Навіны ўніверсітэта

16 кастрычніка 2026 года на базе факультэта эканомікі і права УА «Баранавіцкі дзяржаўны ўніверсітэт» праведзены другі (раённы) этап алімпіяды па фінансавай пісьменнасці.

Навучэнцы з розных устаноў адукацыі раёна праверылі сваю фінансавую граматнасць і выканалі 30 заданняў, якія ўключалі пытанні ў выглядзе тэстаў з варыянтамі адказаў.

Алімпіядныя заданні ўключалі пытанні па наступных тэмах: асабістыя фінансы, наяўныя грошы, зберажэнні і ўклады (дэпазіты), запазычанні, лічбавы банкінг, страхаванне, падаткі і зборы, інвестыцыі і каштоўныя паперы, фінансавая матэматыка, кібербяспека.

Членамі журы, адным з якіх выступіла загадчык кафедры тэарэтычнай і прыкладной эканомікі Шарова Ксенія Ігараўна, вызначаны пераможцы, якія атрымалі памятныя прызы ад ААТ «Белаграпрамбанк» і будуць прадстаўляць Баранавіцкі раён на абласным этапе алімпіяды.

Для ўдзельнікаў алімпіяды была праведзена аглядная экскурсія па ўніверсітэце, паказаны спецыялізаваныя кабінеты і лабараторыі.