.

  СЕКТАР НАВУКОВА-МЕТАДЫЧНЫХ РЭСУРСАЎ ІНКЛЮЗІЎНАЙ АДУКАЦЫІ

Інклюзіўная адукацыя

Сектар навукова-метадычных рэсурсаў інклюзіўнай адукацыі пачаў сваю дзейнасць з 1 лістапада 2013 года.

Падрабязная інфармацыя  на сайце:   http://inclusedu.barsu.by/

Накірункі ажыццяўлення  дзейнасці сектара:

  • асветніцкая:
    з пачатку работы сектара праводзяцца семінары і семінары-трэнінгі па тэмах «Інклюзіўная адукацыя: сутнасць, вопыт, перавагі, рызыка», «Інклюзіўная адукацыя: шляхі руху наперад», «Інклюзіўныя працэсы ў адукацыйнай прасторы», «Асновы фарміравання інклюзіўнай культуры будучых педагогаў», майстар-клас «Выкарыстанне методыкі TEACCH у рабоце педагога», «Дзеці. Аўтызм. Бацькі», «Актуальныя праблемы інваліднасці ў заканадаўстве і практыцы Рэспублікі Беларусь»;

  • метадычная і даследчыцкая:
    пакладзены пачатак фарміраванню банкаў дадзеных па развіцці тэорыі і практыкі інклюзіўнай адукацыі. Укараняецца ўключэнне ў дысцыпліны вучэбных праграм падрыхтоўкі студэнтаў педагагічных спецыяльнасцей зместу, які фарміруе інклюзіўную культуру будучых педагогаў;

  • кансультатыўная:
    сектар ажыццяўляе кансультаванне структур БарДУ па пытаннях даступнасці адукацыі. Ва ўніверсітэце рэалізуецца праграма стварэння  безбар’ернага асяроддзя. Сектар удзельнічае ў стварэнні ўмоў для правядзення летніх лагераў рэабілітацыі інвалідаў-калясачнікаў на базе БарДУ. Двойчы – у ліпені 2013 і жніўні 2014 года – БарДУ быў пляцоўкай для правядзення летніх лагераў РАІК;

  • выдавецкая:
    маецца на ўвазе садзейнічанне ў распрацоўцы і падрыхтоўцы друкаванай прадукцыі па праблеме інклюзіўнай адукацыі;

  • міжнароднае супрацоўніцтва:
    у рамках міжнароднага супрацоўніцтва БарДУ з універсітэтамі арганізуецца наведванне сектара дэлегацыямі, абмен вопытам, меркаваннямі.