.

  ІНЖЫНЕРНЫ ФАКУЛЬТЭТ

Дэкан факультэта
Дэкан факультэта
Нарановіч Аксана Іванаўна
кандыдат фізіка-матэматычных навук, дацэнт


Інжынерны факультэт ажыццяўляе падрыхтоўку інжынерных кадраў вышэйшай кваліфікацыі ў галіне машынабудавання і тэхнічнага забеспячэння сельскагаспадарчай вытворчасці. Навучанне вядзецца з улікам міжнародных тэндэнцый у інжынернай адукацыі.

За час навучання студэнты атрымліваюць глыбокую тэарэтычную падрыхтоўку па фундаментальных навуках, неабходны аб'ём ведаў па спецыяльных дысцыплінах.

Агульная колькасць студэнтаў дзённай і завочнай формаў атрымання адукацыi інжынернага факультэта складае каля 1 000 чалавек.

У навучальным працэсе занятыя 80 выкладчыкаў з вялікім вопытам вытворчай і педагагічнай работы, у тым ліку 3 дактары і 22 кандыдаты навук.

Інжынерны факультэт ажыццяўляе супрацоўніцтва з прадпрыемствамі Баранавіцкага рэгіёну і Рэспублікі Беларусь. Базавымі для факультэта з'яўляюцца вядучыя прамысловыя прадпрыемствы – ААТ «Баранавіцкі аўтаагрэгатны завод», ААТ «Баранавіцкі завод гандлёвага машынабудавання», станкабудаўнічы завод філіял ЗАТ «Атлант», ААТ «Баранавіцкі завод аўтаматычных ліній», ААТ «Баранавіцкі завод станкапрыладаў», дзе студэнты праходзяць вучэбную, вытворчую і пераддыпломную практыкі, а іх вядучыя спецыялісты запрашаюцца для правядзення практычных і лабараторных заняткаў. Лабараторыі, канструктарскія бюро і вытворчыя ўчасткі прадпрыемстваў выкарыстоўваюцца для правядзення лабараторных работ і навуковых даследаванняў. Тэмы дыпломных праектаў студэнтаў набліжаныя да вытворчасці і многія з іх паспяхова ўкараняюцца ў вытворчасць. Факультэтам створана 4 філіялы кафедраў: ААТ «СтоловічыАгра», ААТ «Баранавіцкі завод аўтаматычных ліній», Баранавіцкі станкабудаўнічы завод філіял ЗАТ «Атлант», ААТ «Агракамбінат “Мір”, якія садзейнічаюць практычнаму навучанню, падрыхтоўцы высокакваліфікаваных спецыялістаў.

Выпускнікі інжынернага факультэта працуюць на вядучых прадпрыемствах Рэспублікі Беларусь: ААТ «Мінскі завод аўтаматычных ліній», ААТ «Мінскі падшыпнікавы завод», ААТ «Мінскі завод шасцерняў», ААТ «Гродзенскі завод такарных патронаў «БелТАПАЗ», ЗАТ «Салігорскі інстытут праблем рэсурсазберажэння з доследнай вытворчасцю», ААТ«Барысаўскі завод агрэгатаў»і інш.

У рамках міжнароднага супрацоўніцтва факультэт ўдзельнічае ў праграме Erasmus+ і падтрымлівае адносіны з універсітэтамі Літвы, Латвіі, Расіі, Украіны.

Вучэбна-даследчую і навуковую дзейнасць студэнтаў каардынуе студэнцкае навуковае таварыства «СПЕКТР». На кафедрах факультэта функцыянуюць студэнцкія навуковыя гурткі. Вынікі студэнцкіх навукова-даследчых работ штогод прадстаўляюцца на Рэспубліканскім конкурсе навуковых работ студэнтаў і навукова-практычных канферэнцыях, дзе атрымліваюць высокую ацэнку.

На факультэце функцыянуе сістэма выхаваўчай работы, мэтай якой з'яўляецца фарміраванне ў будучых спецыялістаў грамадзянскай, духоўна-маральнай і эстэтычнай культуры, здаровага ладу жыцця.

Асноўным органам самакіравання на інжынерным факультэце з'яўляецца студэнцкі савет.

У структуру факультэта ўваходзіць шэсць кафедраў:

Спецыяльнасці інжынернага факультэта

Спецыяльнасць 1-36 01 01 Тэхналогія машынабудавання
Прафесійная кваліфікацыя: «Інжынер»

У рамках гэтай спецыяльнасці вядзецца падрыхтоўка інжынераў у галіне металаапрацоўкі і зборкі машын, тэхналогіі іх вырабу. Тэарэтычная падрыхтоўка замацоўваецца вучэбнымі і тэхналагічнымі практыкамі. Выпускнікі спецыяльнасці атрымліваюць кваліфікацыю інжынера і рыхтуюцца для плённай працы ў якасці інжынераў-тэхнолагаў і інжынераў-механікаў на прадпрыемствах машынабудаўнічай галіны.

Выпускаючая кафедра – кафедра тэхналогіі машынабудавання.

Форма атрымання адукацыі: дзённая, завочная (IV–VI курс).

Спецыяльнасць 1-36 01 03 Тэхналагічнае абсталяванне машынабудаўнічай вытворчасці
Прафесійная кваліфікацыя: «Інжынер»

Па гэтай спецыяльнасці вядзецца падрыхтоўка будучых інжынераў, якія будуць праектаваць сучаснае тэхналагічнае абсталяванне для машынабудавання. Студэнты атрымліваюць добрую падрыхтоўку як у галіне механікі і тэхналогій, так і па электратэхніцы і электроніцы, матэматычным мадэляванні працэсаў і машын, эканоміцы і арганізацыі вытворчасці. Інжынеры – выпускнікі спецыяльнасці – працуюць у канструктарскіх і тэхналагічных арганізацыях, у цэхах машынабудаўнічых прадпрыемстваў.

Выпускаючая кафедра – кафедра абсталявання і аўтаматызацыі вытворчасці.

Форма атрымання адукацыі: дзённая, завочная (V–VI курс).

Спецыяльнасць 1-40 01 02, 1-40 05 01 Інфармацыйныя сістэмы і тэхналогіі
Прафесійная кваліфікацыя: «Інжынер-праграміст»

Чалавечая цывілізацыя, якая развіваецца як інфармацыйнае грамадства, ўступае ў новы этап навукова-тэхнічнага прагрэсу. Асновай яго з'яўляюцца дасягненні ў інфарматыцы, мікра- і нанаэлектроніцы, у сферы стварэння сродкаў апрацоўкі, захоўвання і перадачы інфармацыі, якія аб'ядноўваюцца агульным паняццем «інфармацыйныя тэхналогіі». Дадзеная спецыяльнасць мае свой кірунак – «Інфармацыйныя сістэмы і тэхналогіі ў праектаванні і вытворчасці». Аўтаматызацыя праектавання – галіна інфармацыйных тэхналогій, якая дынамічна развіваецца. Сёння няма такіх значных прадпрыемстваў, дзе б не ўжываліся метады камп'ютарнага праектавання і інфармацыйных тэхналогій. Выпускнікі дадзенай спецыяльнасці паспяхова працуюць у праектна-канструктарскіх бюро і навукова-даследчых лабараторыях, на прадпрыемствах розных формаў уласнасці.

Выпускаючая кафедра – кафедра інфармацыйных сістэм і тэхналогій.

Форма атрымання адукацыі: дзённая, завочная (IV–VI курс), завочная (на базе сярэдняй спецыяльнай адукацыі).

Спецыяльнасць 1-53 01 01 Аўтаматызацыя тэхналагічных працэсаў і вытворчасцей
Прафесійная кваліфікацыя: «Інжынер па аўтаматызацыі»

Сучасную вытворчасць немагчыма ўявіць без аўтаматызацыі. Асновай аўтаматызацыі з'яўляюцца прагрэсіўныя тэхналагічныя працэсы апрацоўкі дэталяў машын і зборкі, якія непарыўна звязаныя з сучаснымі сістэмамі кіравання на базе камп'ютарных тэхналогій. Выпускнікі гэтай спецыяльнасці ў дасканаласці авалодваюць навыкамі працы з сучаснымі сістэмамі аўтаматызаванай тэхналагічнай і канструктарскай падрыхтоўкі вытворчасці, будуць здольныя працаваць з найноўшымі пакетамі праграм у гэтай галіне, і па заканчэнні навучання атрымліваюць кваліфікацыю «інжынер па аўтаматызацыі». Спецыялісты, якія валодаюць такімі навыкамі, запатрабаваныя на любых прадпрыемствах, уключаючы структуры малога і сярэдняга бізнесу.

Выпускаючая кафедра – кафедра абсталявання і аўтаматызацыі вытворчасці.

Форма атрымання адукацыі: дзённая, завочная (IV–VI курс).

Спецыяльнасць 1-74 01 01 Тэхнічнае забеспячэнне працэсаў сельскагаспадарчай вытворчасці
Прафесійная кваліфікацыя: «Інжынер»

Інжынеры дадзенай спецыяльнасці будуць займацца забеспячэннем эксплуатацыі сельскагаспадарчай тэхнікі. Выпускнікі спецыяльнасці падрыхтаваныя для працы на пасадах «інжынер», «інжынер-механік», «інжынер па механізацыі працаёмкіх працэсаў». Кваліфікацыя «інжынер».

Выпускаючая кафедра – кафедра механізацыі і энергазабеспячэння вытворчасці.

Форма атрымання адукацыі: дзённая, дзённая (на базе сярэдняй спецыяльнай адукацыі), завочная (V–VI курс), завочная (на базе сярэдняй спецыяльнай адукацыі).

Спецыяльнасць 1-74 02 01 Аграномія
Прафесійная кваліфікацыя: «Аграном»

Сферы дзейнасці: забеспячэнне вытворча-тэхналагічнай і кіраўніцкай дзейнасці сельскагаспадарчай вытворчасці; распрацоўка і ажыццяўленне тэхналагічных працэсаў у галіне вытворчасці і захоўвання прадукцыі раслінаводства; выкананне навуковых і эксперыментальных прац; прафесійная адукацыя.

Аб'екты прафесійнай дзейнасці: сельскагаспадарчыя прадпрыемствы, гаспадаркі па вытворчасці і перапрацоўцы раслінаводчай прадукцыі прамысловых прадпрыемстваў, прадпрыемствы па нарыхтоўцы раслінаводчай прадукцыі, навукова-даследчыя і адукацыйныя ўстановы незалежна ад формаў уласнасці.

Выпускаючая кафедра – кафедра аграрных дысцыплін.

Форма атрымання адукацыі: дзённая (на базе сярэдняй спецыяльнай адукацыі), завочная (на базе сярэдняй спецыяльнай адукацыі).

 

Адрас:
вул.Паркавая, 62, 225401 г.Баранавічы, Брэсцкая вобл.
Дэкан:
Нарановіч Аксана Іванаўна
Тэлефон: (0163) 64 06 62, 64 06 65
Факс: (0163) 64 06 63
E-mail:
decanat.if@mail.ru, enf@barsu.by