БарДУ. Інстытут павышэння кваліфікацыі і перападрыхтоўкі

Дырэктар інстытута
Лундышаў Дзяніс Сяргеевіч
кандыдат бiялагiчных навук, дацэнт

Інстытут павышэння кваліфікацыі і перападрыхтоўкі ўстановы адукацыі «Баранавіцкі дзяржаўны ўніверсітэт» створаны 1-га верасня 2009 года загадам рэктара ўніверсітэта № 361 ад 26.08.2009 на падставе рашэння Савета ўніверсітэта і ў адпаведнасці з лістом Міністэрства адукацыі Рэспублікі Беларусь ад 17.07.2009 №17-17/133 і ажыццяўляе рэалізацыю адукацыйных праграм дадатковай адукацыі дарослых.

Падрабязная інфармацыя на сайце: http://ipk.barsu.by/

Дадатковая адукацыя дарослых – гэта від дадатковай адукацыі, накіраваны на прафесійнае развіццё асобы слухача, стажора, задавальненне фармавання ў іх кампетэнцый, неабходных для ажыццяўлення прафесійнай дзейнасці.

Інстытут рэалізуе наступныя адукацыйныя праграмы дадатковай адукацыі дарослых:

Институт повышения квалификации и переподготовки

Задачы інстытута:

рэалізацыя адукацыйных праграм дадатковай адукацыі дарослых;
аператыўнае задавальненне патрэб арганізацый, а таксама індывідуальных запытаў грамадзян у павышэнні сваёй прафесійнай падрыхтоўкі, атрыманні дадатковай кваліфікацыі;
пастаяннае ўдасканаленне якасці навучання слухачоў, павышэнне яго практычнай накіраванасці на рашэнне канкрэтных прафесійных задач;
стварэнне сучаснай вучэбна-матэрыяльнай базы, найбольш мэтазгоднае выкарыстанне ўсіх відаў чалавечых, матэрыяльных і фінансавых рэсурсаў пры рэалізацыі мэтаў у галіне якасці і дасягненні намечаных вынікаў;
рэалізацыя Місіі, Бачання і Палітыкі ўніверсітэта ў галіне якасці, выкананне патрабаванняў стандартаў сістэмы менеджменту якасці ўніверсітэта;
развіццё сацыяльнага партнёрства, стварэнне спрыяльнага асяроддзя для асобасна-прафесійнага развіцця слухачоў і супрацоўнікаў інстытута, заснаваных на высокіх этычных стандартах;
наладжванне ўзаемавыгаднага супрацоўніцтва з айчыннымі і замежнымі партнёрамі, вывучэнне і ўкараненне ў практыку перадавога вопыту работы ўстаноў адукацыі Рэспублікі Беларусь, блізкага і далёкага замежжа ў галіне рэалізацыі адукацыйных праграм дадатковай адукацыі дарослых.

Адукацыйны працэс ажыццяўляецца прафесарска-выкладчыцкім складам кафедр БарДУ, высокакваліфікаванымі спецыялістамі ўстаноў адукацыі Рэспублікі Беларусь, для выкладання таксама прыцягваюцца вядучыя спецыялісты - практыкі арганізацый г.Баранавічы і Баранавіцкага рэгіёну.

Для арганізацыі адукацыйнага працэсу выкарыстоўваюцца сучасныя навучальныя аўдыторыі, абсталяваныя стацыянарнай мультымедыйнай апаратурай, кампутарныя класы з праграмным забеспячэннем, неабходным для ажыццяўлення адукацыйнага працэсу, аб'яднаныя ў сетку, з выхадам у Інтэрнэт.

Для правядзення вучэбных заняткаў у групах павышэння кваліфікацыі па ахове працы і прамысловай бяспецы, абсталявана спецыялізаваная аўдыторыя са стэндамі, плакатамі, вітрынамі, стацыянарнай мультымедыйнай апаратурай, кампутарамі, з усталяванай праграмай «Экзамен» для правядзення трэнінгаў і падрыхтоўкі да праверкі ведаў спецыялістаў па ахове працы і прамысловай бяспецы ў адпаведных камісіях па праверцы ведаў Баранавіцкага гарвыканкама, Баранавіцкага райвыканкама і Дзяржпрамнаглядзе.

Мы даем кожнаму магчымасць кіраваць сваёй будучыняй і развіццём сваёй асобы, дапамагаем стаць канкурэнтаздольнымі на рынку працы

Кантактная iнфармацыя

Адрас:

вул. Войкава, 21, 225404 г.Баранавічы, Брэсцкая вобл.

Дырэктар:

Лундышаў Дзяніс Сяргеевіч

Тэлефон:

+375 163 46 55 83

E-mail:

ipk@barsu.by

Інстытут павышэння кваліфікацыі і перападрыхтоўкі

УНИВЕРСIТЭТ

САЙТЫ СТРУКТУРНЫХ ПАДРАЗДЗЯЛЕННЯЎ