Навіны ўніверсітэта

11 мая 2026 года загадчык кафедры тэарэтычнай і прыкладной эканомікі Шарова Ксенія Ігараўна прыняла ўдзел з праектам на рэгіянальным адборачным этапе V Маладзёжнага конкурсу інавацый і прадпрымальніцтва краін ШАС, які адбыўся ў Кітайска-Беларускім індустрыяльным парку «Вялікі камень».

Мерапрыемства было накіравана на стварэнне міжнароднай платформы для маладзёжнага інавацыйнага супрацоўніцтва, раскрыццё патэнцыялу маладых спецыялістаў дзяржаў-членаў ШАС у сферы інавацый і прадпрымальніцтва, а таксама інтэграцыю навукова-тэхнічных дасягненняў з патрэбамі прамысловага развіцця. Асноўныя напрамкі праектаў - штучны інтэлект, інтэлектуальная вытворчасць, новыя матэрыялы і крыніцы энергіі і іншыя.

Удзел у такіх конкурсах - гэта магчымасць не толькі прадставіць свае праекты, але і абмяняцца ідэямі з іншымі ўдзельнікамі праекта, вопытам у сферы міжнароднай дзейнасці, атрымаць каштоўную зваротную сувязь ад экспертаў з розных краін ШАС.