Навіны ўніверсітэта

На лінгвістычным факультэце адбыўся круглы стол «Жаночы погляд: роля жанчыны ў жыцці грамадства і дзяржавы» з удзелам Таццяны Вадзімаўны Шчэрбы, прадстаўніцы ПА ГА «Беларускі саюз жанчын».

У ходзе мерапрыемства студэнткі I–II курсаў пазнаёміліся з інфармацыяй аб вядомых беларусках, якія ўнеслі значны ўклад у развіццё навукі, спорту, медыцыны і іншых галін. Затым вядучыя мерапрыемствы, члены Маладзёжнага крыла, расказалі пра партрэт сярэднестатыстычнай беларускай жанчыны, пра яе ўзрост, сямейнае становішча, працоўную дзейнасць, хобі.

Далей Т. У. Шчэрба, член ПА ГА «Беларускі саюз жанчын» БарДУ, пазнаёміла прысутных з напрамкамі дзейнасці першаснай арганізацыі БарДУ. Мерапрыемства праходзіла ў фармаце адкрытага дыялога. У студэнтак была магчымасць задаць Т. У. Шчэрбе пытанні, якія датычацца дзейнасці Беларускага саюза жанчын, рэалізацыі праектаў на універсітэцкім і гарадскім узроўні, яе галоўных жыццёвых прынцыпаў і т. п. Т. У. Шчэрба шчыра і грунтоўна адказвала на ўсе пытанні, дзялілася сваім жыццёвым вопытам.