Навіны ўніверсітэта

30 красавіка на факультэце педагогікі і псіхалогіі адбылося размеркаванне 146 выпускнікоў, у т.л. 7 выпускнікоў магістратуры па спецыяльнасці «Навукова-педагагічная дзейнасць». Колькасць месцаў для размеркавання на аднаго выпускніка па спецыяльнасцях вар’іравала ад 1,4 да 3,5. Найбольшая колькасць выпускнікоў размеркавана ў Брэсцкую вобласць (66%) і Мінскую вобласць (25%).

Ва ўстановах адукацыі, спартыўных школах, спартыўных клубах, лесагаспадарчай арганізацыі горада Баранавічы прыступяць да працы з верасня 2026 года 45 выпускнікоў факультэта: педагогі-псіхолагі, сацыяльныя педагогі, выхавацелі дашкольнай адукацыі, настаўнікі пачатковых класаў, настаўнікі фізічнай культуры і здароўя, педагогі дадатковай адукацыі, майстры лесу. Многія выпускнікі на 4-м курсе ажыццяўлялі прафесійную дзейнасць у адпаведнасці са спецыяльнасцю ва ўстановах горада, у якія яны і размеркаваны.

У БарДУ застаюцца па выніках размеркавання 8 выпускнікоў, якія з’яўляюцца стыпендыятамі Спецыяльнага фонду Прэзідэнта Рэспублікі Беларусь па сацыяльнай падтрымцы таленавітых навучэнцаў і студэнтаў, якія састаяць ў Брэсцкім абласным перспектыўным кадравым рэзерве, якія маюць шматлікія дасягненні на рэспубліканскіх і міжнародных конкурсах навуковых і творчых прац.

Выпускнікі факультэта задаволены атрыманымі месцамі для размеркавання, выбраныя імі арганізацыі адкрываюць магчымасці для прафесійнага развіцця і рэалізацыі маладзёжных прафесійных ініцыятыў.