Навіны ўніверсітэта

На базе кафедры дашкольнай і пачатковай адукацыі факультэта педагогікі і псіхалогіі ўстановы адукацыі «Баранавіцкі дзяржаўны ўніверсітэт» 23–24 красавіка 2026 года адбылася значная падзея ў сферы педагагічнай навукі і практыкі — XVII Міжнародны навукова-практычны семінар «Дашкольная і пачатковая адукацыя: досвед, праблемы, перспектывы». Мерапрыемства, арганізаванае кафедрай дашкольнай і пачатковай адукацыі факультэта педагогікі і псіхалогіі БарДУ пры падтрымцы Міністэрства адукацыі Рэспублікі Беларусь, аб'яднала вучоных, вядучых спецыялістаў, даследчыкаў і практыкаў з Беларусі, Расіі, Казахстана, Узбекістана і Малдовы. Семінар працаваў у гібрыдным фармаце, што дало магчымасць забяспечыць шырокі міжнародны ўдзел і прадуктыўны прафесійны дыялог.

Першы дзень мерапрыемства прайшоў у вочным фармаце ў сценах універсітэта: выстаўка перыядычных выданняў і вучэбна-метадычнай літаратуры па дашкольнай і пачатковай адукацыі была падрыхтавана бібліятэкай БарДУ; была арганізавана персанальная выстава юнай мастачкі Сярэдняй школы №1 г. Баранавічы ім. С.І.Грыцаўца — Шэйны Златы.

На пленарным пасяджэнні з прывітальным словам да ўдзельнікаў звярнулася дэкан факультэта педагогікі і псіхалогіі Таццяна Яўгенаўна Яцэнка, якая падкрэсліла актуальнасць міжнароднага супрацоўніцтва ў вырашэнні задач сучаснай адукацыі. З пленарнымі дакладамі выступілі вучоныя з Беларусі, Расіі, Малдовы і Казахстана: Людміла Георгіеўна Тарусава з Акадэміі адукацыі прадставіла навукова-метадычныя падыходы да фарміравання функцыянальнай пісьменнасці малодшых школьнікаў; Наталля Вацлаваўна Агеева з Рэспубліканскага інстытута прафесійнай адукацыі асвятліла пытанні ўдасканалення вучэбна-праграмнай дакументацыі пры падрыхтоўцы педагагічных кадраў сярэдняй спецыяльнай адукацыі; Любоў Цімафееўна Ткач з Прыднястроўскага дзяржаўнага ўніверсітэта ім. Т.Г. Шаўчэнка расказала аб педагагічным суправаджэнні прафесійнага станаўлення будучых педагогаў; Людміла Уладзіміраўна Каламійчанка з Пермскага дзяржаўнага гуманітарна-педагагічнага ўніверсітэта прадставіла параўнальнае даследаванне пытанняў фарміравання канфесійнай культуры дзяцей дашкольнага ўзросту ў Расіі і Беларусі; бінарны даклад Ліі Лутаўны Лашковай і Святланы Міхайлаўны Зыранавай з Сургуцкага дзяржаўнага педагагічнага ўніверсітэта прысвечаны тэарэтычным і практычным аспектам патрыятычнага выхавання дашкольнікаў; завяршыў пленарную частку даклад Гульнары Шарыпханаўны Сейдаліевай з Таразскага рэгіянальнага універсітэта імя М. Х. Дулаці аб прымяненні штучнага інтэлекту для стварэння персаналізаваных казак.

У фармаце паралельных секцый удзельнікі круглага стала абмеркавалі тэарэтычныя і практычныя пытанні арганізацыі адукацыйнага працэсу: у рамках аб'яднання па інтарэсах «Універсітэт для дзяцей» студэнты, якія вучацца па спецыяльнасцях дашкольнай і пачатковай адукацыі, прадставілі свае праекты пад кіраўніцтвам выкладчыкаў кафедры; секцыя па фарміраванні функцыянальнай пісьменнасці малодшых школьнікаў пад кіраўніцтвам педагогаў Сярэдняй школы № 17 г. Баранавічы Гарбатоўскай Таццяны Фёдараўны і Каваленкі Кацярыны Валянцінаўны аб'яднала педагогаў-практыкаў і студэнтаў для абмену эфектыўнымі методыкамі; асобная ўвага была ўдзелена пытанням цыфравізацыі ў секцыі па візуальным праграмаванні, адукацыйнай робататэхніцы і штучным інтэлекце, дзе ўдзельнікі семінара разгледзелі магчымасці сучасных тэхналогій у рабоце з дзецьмі ранняга, дашкольнага і малодшага школьнага ўзросту.

Другі дзень семінара прайшоў у дыстанцыйным фармаце. Секцыя «Дашкольная і пачатковая адукацыя за мяжой» забяспечыла прафесійную камунікацыю з калегамі з Сургуцкага дзяржаўнага педагагічнага ўніверсітэта, Прыднястроўскага дзяржаўнага ўніверсітэта ім. Т. Г. Шаўчэнкі і Маскоўскага дзяржаўнага псіхолага-педагагічнага ўніверсітэта. У ходзе секцыйных пасяджэнняў былі прадстаўлены даклады па пытаннях інклюзіўнай адукацыі, патрыятычнага і духоўна-маральнага выхавання, псіхалагічнага суправаджэння дзяцей, прафесійнай падрыхтоўкі педагогаў і ўзаемадзеяння адукацыйных арганізацый з сем'ямі выхаванцаў.

Праведзенае мерапрыемства ў чарговы раз пацвердзіла статус Баранавіцкага дзяржаўнага ўніверсітэта як адкрытай міжнароднай пляцоўкі для абмену перадавым вопытам і развіцця якаснай, даступнай і інклюзіўнай адукацыі для дзяцей ранняй, дашкольнай і малодшага школьнага ўзросту.