Навіны ўніверсітэта

10 красавіка 2026 г. на факультэце педагогікі і псіхалогіі прайшла VII Рэспубліканская алімпіяда па псіхалогіі «Свет псіхалогіі”, прымеркаваная да Года беларускай жанчыны, арганізаваная кафедрай псіхалогіі і філасофіі.

Алімпіяда сабрала больш за 135 прадстаўнікоў устаноў агульнай сярэдняй адукацыі. У конкурснай праграме алімпіяды прынялі ўдзел каманды з 22 школ Брэсцкай, Мінскай і Гродзенскай абласцей.

З прывітальным словам на ўрачыстым адкрыцці алімпіяды выступілі:

• РЫТВІНСКАЯ Яўгенія Міхайлаўна, прарэктар па вучэбнай рабоце, кандыдат сельскагаспадарчых навук, дацэнт;
• ЯЦЭНКА Таццяна Яўгенаўна, дэкан факультэта педагогікі і псіхалогіі, кандыдат псіхалагічных навук, дацэнт;
• ІЦЭНКА Аляксандр Рыгоравіч, загадчык кафедры псіхалогіі і філасофіі, кандыдат філасофскіх навук, дацэнт.

Конкурсы алімпіяды – «Візітоўка», «Эрудыт», «Псіхалогія: новы погляд» - былі звернуты да спадчыны выдатных жанчын нашай краіны, іх навуковым адкрыццям і жыццёваму прыкладу.

У ходзе алімпіяды каманды прадэманстравалі эрудыцыю ў галіне псіхалогіі, гатоўнасць да інтэлектуальнага саперніцтва, атрымалі магчымасць адчуць сябе даследчыкам.

Выкананне алімпіядных заданняў садзейнічала развіццю псіхалагічнай культуры навучэнцаў, умення працаваць у камандзе, адстойваць сваю пазіцыю і знаходзіць нестандартныя рашэнні.

Каманды прадставілі прыкладныя псіхалагічныя распрацоўкі (псіхалагічныя настольныя гульні, квэсты, метафарычныя карты і інш.), якія створаны на аснове навуковых пошукаў беларускіх вучоных у галіне псіхалогіі, і прымяняюцца пад кіраўніцтвам псіхолагаў у псіхаасветніцкай рабоце з навучэнцамі.

Па выніках работы 5 секцый, у якіх праходзіла конкурсная праграма, узнагароджаны:

• ДЫПЛОМАМ 1 ступені – каманды ДУА «Сярэдняя школа № 12 г. Пінска», «Лошніцкая гімназія Барысаўскага раёна», «Сярэдняя школа № 8 г. Жодзіна», «Варотаўская сярэдняя школа», «Сярэдняя школа №3 г. Мар'іна Горка», «Сярэдняя школа №3 г. Мар'іна Горка».
• ДЫПЛОМАМ 2 ступені – каманды ДУА «Гімназія г. Пружаны», «Сярэдняя школа № 3 г. Барысава», «Сярэдняя школа № 18 г. Баранавічы», «Сярэдняя школа № 1 г.Пружаны імя Чырванасцяжнай Беларускай ваеннай акругі», «Дзівінская сярэдняя школа», «Ліцэй №1 г.Баранавічы», «Сярэдняя школа №20 г.Барысава»
• ДЫПЛОМАМ 3 ступені - каманды ДУА «Гімназія №1 г. Баранавічы», «Сярэдняя школа № 2 г. Бярозаўкі», «Сярэдняя школа № 1 г. Івацэвічы імя В.Гука», «Свіслацкая сярэдняя школа ім. А.Г.Чарвякова», «Сярэдняя школа №11 г. Брэста», «Гімназія №6 г.Брэста імя Маршала Савецкага Саюза Г.К.Жукава».

Атмасфера творчасці, дыялогу, пазітыўных эмоцый, сяброўскага спаборніцтва пакінула яркія ўражанні ва ўдзельнікаў алімпіяды.

Студэнцкі прафарыентацыйны цэнтр пад кіраўніцтвам ПЯТРУШКА Таццяны Уладзіміраўны, старшага выкладчыка кафедры педагогікі і сацыяльна-гуманітарных дысцыплін, арганізаваў экскурсіі па ўніверсітэце для навучэнцаў – удзельнікаў алімпіяды.

Дзякуем арганізатарам алімпіяды, кіраўнікам каманд і адміністрацыі ўстаноў адукацыі за супрацоўніцтва ў правядзенні Рэспубліканскай алімпіяды.