Навіны ўніверсітэта

Каманда студэнтаў 4 курса спецыяльнасці «Пачатковая адукацыя» атрымала бліскучую перамогу ў IV студэнцкім міжнародным педагагічным конкурсе «Наша пакліканне - запальваць маленькія Зоркі!».

Па выніках спаборніцтва нашай камандзе было прысвоена ганаровае званне «Абсалютны пераможца».

У склад каманды ўвайшлі студэнты: Казук Дар'я Петрасік Яна Чуйко Карына Кашляк Таццяна Паўлава Дыяна Гладкая Анастасія


Кіраўнікамі каманды выступілі старшыя выкладчыкі кафедры дашкольнай і пачатковай адукацыі Н.А. Васілевіч і Н.У. Раманчук.

Конкурс, арганізаваны Тульскім дзяржаўным педагагічным універсітэтам ім. Л.М. Талстога, быў прысвечаны актуальнай тэме «Дзіцячыя цацкі як культурны код». Удзельнікі павінны былі праявіць крэатыўнасць і прафесійныя навыкі, выканаўшы шэраг складаных заданняў: вырабіць народную цацку, разгадаць тэматычны красворд, напісаць эсэ пра любімую цацку дзяцінства, стварыць сямейны альбом «Цацкі маёй сям'і» і распрацаваць канцэпцыю «Цацкі будучыні».

Журы высока ацаніла творчы падыход, глыбіню прапрацоўкі матэрыялаў і зладжаную работу нашых студэнтаў.

Віншуем пераможцаў і іх кіраўнікоў з заслужаным поспехам! Жадаем далейшых прафесійных дасягненняў і новых перамог!