Навіны ўніверсітэта

10 сакавіка 2026 г. напярэдадні Дня Канстытуцыі Рэспублікі Беларусь на лінгвістычным факультэце адбылася інтэрактыўная пляцоўка «Канстытуцыя – галоўны закон краіны», накіраваная на фарміраванне ў студэнтаў прававой культуры, актыўнай грамадзянскай пазіцыі, разумення сутнасці і значэння Канстытуцыі Рэспублікі Беларусь, гатоўнасці свядома і актыўна здзяйсняць грамадзянскія абавязкі, выконваць і паважаць законы сваёй краіны.

Выкананне Дзяржаўнага Гімна Рэспублікі Беларусь адкрыла мерапрыемства і стварыла ўрачыстую атмасферу. У ходзе мерапрыемства прысутныя азнаёміліся з відэасюжэтам АНТ, у якім паэтапна прасочваецца гісторыя развіцця Асноўнага Закона нашай краіны, асвятляюцца дапаўненні і змены па выніках рэферэндумаў. Затым студэнты, падзяліўшыся на каманды, пад кіраўніцтвам вядучых прыступілі да выканання заданняў у спаборніцкай форме.

У завяршэнні мерапрыемства намеснік дэкана па ідэалагічнай і выхаваўчай рабоце Яўгенія Мікалаеўна Васільчук падвяла вынікі інтэрактыўнай пляцоўкі, адзначыла актыўны ўдзел студэнтаў, падкрэсліла значнасць такіх мерапрыемстваў для маладых людзей – грамадзян Рэспублікі Беларусь.