Навіны ўніверсітэта

Студэнты спецыяльнасці «Практычная псіхалогія» прынялі ўдзел ва Усерасійскай навукова-практычнай канферэнцыі «Навука – Творчасць – Образование», якая прайшла 17 лютага 2026 г. ва універсітэце-партнеры БарГУ – Ніжнятагільскім дзяржаўным сацыяльна-педагагічным інстытуце (філіяле) ФГАОУ ВА «Уральскі дзяржаўны педагагічны ўніверсітэт».

На першым этапе канферэнцыі студэнты групы ПП-41 спецыяльнасці «Практычная псіхалогія» выступілі з навуковымі дакладамі і прынялі ўдзел у навуковай дыскусіі па праблемах віктымнасці, перфекцыянізма, эмпатыі, асобаснай уразлівасці і стрэсаўстойлівасці асобы ў сучасным свеце.

На другім этапе канферэнцыі студэнты прынялі ўдзел у конкурсе навуковых работ, па выніках якога прызнаны ўладальнікі дыпломаў 1-3 ступені: Сухецкая Аляксандра (дыплом 2 ступені), Асіюк Анастасія (дыплом 1 ступені), Серафімовіч Аліна і Бабікава Анастасія (дыплом 3 ступені). перфекцыянізма, эмпатыі, асобаснай уразлівасці і стрэсаўстойлівасці ў сучасным свеце.  Навуковыя працы падрыхтаваны пад кіраўніцтвам Яцэнка Таццяны Яўгенаўны, дэкана факультэта педагогікі і псіхалогіі і  Кішэя Іны Леанідаўны, старэйшага выкладчыка кафедры псіхалогіі і філасофіі.

Віншуем пераможцаў і іх навуковых кіраўнікоў і жадаем далейшых поспехаў у навукова-даследчай дзейнасці!