Навіны ўніверсітэта

У рамках развіцця міжведамаснага супрацоўніцтва паміж установамі Міністэрства адукацыі Рэспублікі Беларусь і арганізацыямі Нацыянальнай акадэміі навук Беларусі 12 лютага 2026г. адбыўся рабочы візіт дэлегацыі Баранавіцкага дзяржаўнага ўніверсітэта ў Фізіка-тэхнічны інстытут НАН Беларусі (ФТІ НАН Беларусі).

Падчас візіту прадстаўнікі ўніверсітэта азнаёміліся з экспазіцыяй музея інстытута, наведалі сучасныя навуковыя лабараторыі і вытворчыя ўчасткі, дзе праводзяцца перадавыя даследаванні ў галіне матэрыялазнаўства і прамысловых тэхналогій.

Асаблівая ўвага была ўдзелена абмеркаванню сумеснай навукова-даследчай дзейнасці ў рамках Дзяржаўнай праграмы навуковых даследаванняў "Сучаснае матэрыялазнаўства, перспектыўныя матэрыялы і новыя тэхналогіі", у прыватнасці падпраграмы "Электрафізічныя, металургічныя і ліцейна-дэфармацыйныя тэхналогіі стварэння і апрацоўкі матэрыялаў".

Бакі абмяняліся вопытам у галіне распрацоўкі інавацыйных метадаў апрацоўкі матэрыялаў, у тым ліку лазерныя, электронна-прамянёвыя і магніта-імпульсныя тэхналогіі.

Па выніках сустрэчы падрыхтаваны план сумесных мерапрыемстваў паміж Баранавіцкім дзяржаўным універсітэтам і Фізіка-тэхнічным інстытутам НАН Беларусі на 2026-2027 гады, які вызначыць ключавыя напрамкі навуковага ўзаемадзеяння, у тым ліку правядзенне сумесных даследаванняў, абмен навуковымі кадрамі і падрыхтоўку спецыялістаў для высокатэхналагічных галін прамысловасці. 

Адзначым, што супрацоўніцтва БарДУ з ФТІ НАН Беларусі мае даўнія традыцыі: раней сумеснымі намаганнямі ўпершыню ў Рэспубліцы Беларусь быў распрацаваны новы высокаэнергетычны метад умацавальнай апрацоўкі стальных вырабаў на аснове магнітна-імпульснага ўздзеяння, вынікі якога паспяхова ўкаранёны на прадпрыемствах дрэваапрацоўчай галіны.

Гэты візіт пацвярджае ўстойлівае развіццё навукова-адукацыйнага партнёрства паміж універсітэтам і акадэмічным інстытутам, накіраванага на ўмацаванне навукова-тэхнічнага патэнцыялу рэгіёна і рэспублікі ў цэлым.