Навіны ўніверсітэта

У Баранавіцкім дзяржаўным універсітэце 6 лютага адбылося ўрачыстае ўручэнне дыпломаў выпускнікам інжынернага факультэта завочнай формы атрымання адукацыі. Дакументы аб заканчэнні вышэйшай адукацыі па ключавых для краіны спецыяльнасцях «Агранамія», «Тэхнічнае забеспячэнне працэсаў сельскагаспадарчай вытворчасці» і «Тэхналогія машынабудавання» выдадзены 61 выпускніку.

У сваім прывітальным слове Сотнік Л.Л. адзначыў асаблівую мэтанакіраванасць і матывацыю студэнтаў-завочнікаў: «Сёння мы віншуем тых, для каго шлях да ведаў спалучаўся з высокай асабістай адказнасцю. Вы — прафесіяналы, якія прыйшлі ва ўніверсітэт за сістэматызацыяй вопыту і новых кампетэнцый. Ваш дыплом - гэта не проста дакумент, гэта вынік вашай працы, умення эфектыўна планаваць час і пераадольваць цяжкасці. Упэўнены, што атрыманыя веды стануць магутным імпульсам для вашага далейшага кар'ернага росту і ўнясуць важкі ўклад у развіццё аграпрамысловага комплексу і машынабудаўнічай галіны нашай краіны».

Віншуем вас, выпускнікі! Дыплом у руках - цэлы свет магчымасцяў наперадзе. Не збаўляйце тэмпу, стаўце высокія мэты і змяняйце да лепшага сваю прафесійную сферу. У добры шлях!