Навіны ўніверсітэта

На інжынерным факультэце ў снежні 2025 года прайшлі важныя прафарыентацыйныя сустрэчы, якія аб'ядналі студэнтаў і прадстаўнікоў асноўных  прадпрыемстваў рэгіёна.

16 снежня факультэт наведалі прадстаўнікі ААТ «Шклозавод «Нёман» - найстарэйшага вытворцы вырабаў са шкла і крышталю ў Рэспубліцы Беларусь. Для гасцей была арганізавана экскурсія па лабараторыях факультэта, дзе яны змаглі ўбачыць навучальна-вытворчую базу і абмеркаваць магчымасці сумеснай работы.

На сустрэчы са студэнтамі 3–4 курсаў спецыяльнасцей «Тэхналогія машынабудавання, металарэжучыя станкі і інструменты» і «Вытворчасць вырабаў на аснове трохмерных тэхналогій» выступілі галоўны канструктар прадпрыемства Сяргей Іванавіч Макоўскі і начальнік аддзела кадраў Юлія Уладзіміраўна Урбановіч. Сяргей Іванавіч падрабязна расказаў аб тэхналагічным аснашчэнні прадпрыемства, сучасных вытворчых працэсах і планах па мадэрнізацыі. Юлія Уладзіміраўна акцэнтавала ўвагу на сацыяльных гарантыях для маладых спецыялістаў: забеспячэнні жыллём, канкурэнтаздольнай заработнай плаце і магчымасцях кар'ернага росту. Студэнтам таксама прапанавалі прайсці вытворчую практыку з перспектывай наступнага працаўладкавання.

Раней, у рамках аналагічнага мерапрыемства, студэнты чацвёртага курса спецыяльнасці «Тэхнічнае забеспячэнне працэсаў сельскагаспадарчай вытворчасці» сустрэліся з Яўгенам Сяргеевічам Бажко - кіраўніком ААТ «Прынёманскі». Яўген Сяргеевіч, выпускнік інжынернага факультэта 2013 года, падзяліўся сваім прафесійным шляхам: ад пасады галоўнага інжынера ў СВК «Уселюб» да намесніка старшыні Навагрудскага раённага выканаўчага камітэта, а сёння - паспяховага кіраўніка сельскагаспадарчага прадпрыемства. Я.С.Бажко заклікаў студэнтаў быць ініцыятыўнымі, не баяцца браць на сябе адказнасць і запрасіў таленавітых выпускнікоў у сваю каманду.

Падобныя сустрэчы даказваюць: беларускія прадпрыемствы зацікаўлены ў кваліфікаваных кадрах і гатовы дапамагаць ім развівацца.  Для студэнтаў жа - гэта рэальны шанц не толькі знайсці сваё месца ў прафесіі, але і ўнесці ўклад ва ўстойлівае развіццё эканомікі.

Інжынерная адукацыя, дапоўненая практычным досведам і падтрымкай працадаўцаў, становіцца трывалым падмуркам паспяховай кар'еры.