Навіны ўніверсітэта

Алімпіяда з'яўляецца традыцыйным мерапрыемствам, прымеркаваным да Дня юрыста, які ў Беларусі святкуецца ў першую нядзелю снежня. Мерапрыемства накіравана на ўзмацненне практычнага складніка падрыхтоўкі студэнтаў спецыяльнасцяў «Правазнаўства» і «Эканамічнае права», выпрацоўку ў іх навыкаў публічных выступленняў, развіццё навучэнцамі прафесійных кампетэнцый, забеспячэнне магчымасці адбору прэтэндэнтаў для прыёму на працу патэнцыяльнымі наймальнікамі.

Юрыдычная алімпіяда ў 2025 годзе праходзіла з 31 кастрычніка па 5 снежня. Былі сфарміраваны 11 каманд-удзельніц алімпіяды. 12 лістапада 2025 года адбыўся завочны адборачны тур, у рамках якога студэнты прадставілі эсэ па зададзенай тэматыцы і рашэнне задач. Па выніках завочнага адборачнага тура да ўдзелу ў вочным адборачным туры рэкамендаваныя 6 каманд.

21 лістапада 2025 года праходзіў вочны адборачны тур, у які ўключаны: падрыхтоўка візітоўкі каманды ў відэафармаце і прэзентацыі па грамадзянскай справе на баку істца або адказчыка.

5 снежня 2025 года адбылося фінальнае спаборніцтва каманд. У фінальным туры студэнты прынялі ўдзел у конкурсе «Размінка «Гісторыка-прававая віктарына», у конкурсе прамоўніцкага майстэрства, кваліфікавалі дзеянні казачных герояў з прававога пункту гледжання.

Членамі журы алімпіяды традыцыйна з'яўляліся прадстаўнікі адміністрацыі ўніверсітэта і вядучыя практычныя работнікі г. Баранавічы.

Па выніках фінальнага тура калегія журы вызначыла пераможцаў алімпіяды:

• 1 месца – каманда «LexBand», капітан каманды Аляксейчык Максім;
• 2 месца – каманда «Юрыдычны квінтэт», капітан каманды Хобец Алена;
• 3 месца – каманда «Кодэкс гонару», капітан каманды Матэйка Ксенія.

 У індывідуальнай намінацыі «ASTRA JURIS» перамогу атрымала Матэйка Ксенія. У іншых індывідуальных намінацыях пераможцамі сталі: Хобец Алена, Матэйка Ксенія, Аляксейчык Максім. Пераможцам былі ўручаны грашовыя прызы і каштоўныя падарункі за сродки прафсаюзнага камітэта ўніверсітэта і факультэта эканомікі і права.

Члены журы паўфінальнага і фінальнага этапаў алімпіяды адзначылі высокі ўзровень арганізацыі аімпіяды і падрыхтоўкі спецыялістаў у галіне юрыспрудэнцыі.

Арганізацыйны камітэт алімпіяды віншуе пераможцаў і жадае далейшых поспехаў у адукацыйнай дзейнасці, а таксама дзякуе членам журы за справядлівае судзейства!