Навіны ўніверсітэта

21 лістапада 2025 года прайшла XV Міжнародная алімпіяда па гісторыі «Сусветныя войны ў гісторыі чалавецтва», арганізаваная УА «Гомельскі дзяржаўны ўніверсітэт імя Ф. Скарыны», прысвечаная не толькі паглыбленаму вывучэнню ключавых ваенных канфліктаў, але і фарміраванню гістарычнай свядомасці ў студэнтаў негістарычных спецыяльнасцей.

У алімпіядзе прынялі ўдзел 60 каманд з розных ВНУ, што падкрэслівае высокую цікавасць да мерапрыемства на міжнародным узроўні. Ад БарДУ выступіла каманда ў конкурсе для студэнтаў негістарычных спецыяльнасцей, заняўшы прызавое трэцяе месца, у склад якой увайшлі: Нярода С. М. (ІСТ-21), Лабко А. А. (ФКСТ-21), Тоўсты М. А. (СПП-21), Кавальскі А. С. (ФР-21), Прыхач П. А.(ФБ-21).

Кіраўнікамі каманды выступілі старшы выкладчык кафедры педагогікі і сацыяльна-гуманітарных дысцыплін Віруцкая С. В. і к.г.н., дацэнт Літвінскі А. У.

Удзел у алімпіядзе стаў важным этапам у інтэлектуальным і патрыятычным выхаванні студэнтаў, дазволіўшы ім прадэманстраваць не толькі веды па гісторыі сусветных войнаў, але і здольнасць да міждысцыплінарнага мыслення.

Кафедра педагогікі і сацыяльна-гуманітарных дысцыплін выказвае падзяку ўдзельнікам за актыўную грамадзянскую пазіцыю і жаданне пашыраць свае гістарычныя гарызонты па-за рамкамі асноўнай спецыяльнасці!