Навіны ўніверсітэта

6 – 11 кастрычніка 2025 г. у г. Масква праходзіць Міжнародны чэмпіянат па адытыўных тэхналогіях «3D Профі». Чэмпіянат дае унікальную магчымасць для апускання ў свет сучасных тэхналогій: удзельнікі пазнаёмяцца з поўным цыклам адытыўнай вытворчасці - ад праектавання і падрыхтоўкі 3D-мадэляў да зборкі, дыягностыкі і рамонту 3D-друкарак.

Чэмпіянат па адытыўных тэхналогіях «3D ПРОФІ» праводзіцца для маладых спецыялістаў і энтузіястаў ад 14 да 23 гадоў. 11 кастрычніка 2025 г. - стартуе фінал спаборніцтваў.

Каманда інжынернага факультэта ўстановы адукацыі «Баранавіцкі дзяржаўны ўніверсітэт», прайшоўшы папярэдні этап, увайшла ў лік 30 удзельнікаў фінальнага этапа конкурсу. Рэспубліку Беларусь прадстаўляюць БарДУ і БНТУ. 

У фінальным этапе бяруць удзел: 

• Занька Алена Іванаўна, 2 курс, магістратура; 
• Мялік Кірыл Канстанцінавіч, 4 курс; 
• Васкевіч Максім Анатольевіч, 4 курс; 
• Віткоўскі Аляксандр Валер'евіч, 2 курс; 
• Завіставіч Мацвей Уладзіміравіч, 4 курс. 

Настаўнік - Наліўка Алег Ігаравіч, загадчык лабараторыі «Адытыўных тэхналогій».

За тыдзень спаборніцтваў удзельнікі пройдуць інтэнсіўнае апусканне ў свет 3D-тэхналогій: 

1. Трэнінгі па прафесійным 3D-мадэляванні. 
2. Практыкум па дыягностыцы і рамонце 3D-друкарак. 
3. Распрацоўка і акселерацыя ўласных бізнес-праектаў пад кіраўніцтвам вопытных настаўнікаў.
4. Фінальная абарона праектаў і барацьба за званне чэмпіёнаў!

Кіраўніцтва ўніверсітэта выказвае падзяку ТАА «Кампанія ІМПРЫНТА» якая ўзяла на сябе выдаткі па праездзе і пражыванні ўдзельнікаў на перыяд правядзення адукацыйнай праграмы і спаборніцкага дня Чэмпіянату.