Навіны ўніверсітэта

Верасень 2025 г. прайшоў вельмі насычана, нашы першакурснікі акунуліся ў вялікую колькасць самых разнастайных сустрэч і інтэрактыўных пляцовак. Марафон мерапрыемстваў адкрыла прафесійна-арыентаванае мерапрыемства «Першакурснік2025» – “Freshman25”. Потым на факультэце адбылося знаёмства са студэнцкімі навуковымі аб’яднаннямі ў рамках Тыдня навукі БарДУ. Інтэрактыўная дыялогавая пляцоўка «Вялікі студэнцкі пікнік», падрыхтаваная членамі студэнцкага савета, выклікала гарачы водгук у першакурснікаў. На гэтай пляцоўцы студэнты старэйшых курсаў падзяліліся сваім вопытам, расказалі пра асаблівасці арганізацыі навучальнага працэсу, абмеркавалі правы і абавязкі студэнтаў ва ўніверсітэце, а таксама расказалі пра горад Баранавічы і яго інфраструктуру.

16 верасня нашы першакурснікі прынялі ўдзел у Рэспубліканскай дыктоўцы «Дзень народнага адзінства». Актыўны ўдзел прынялі першакурснікі і ў выставе постэраў «Брэнды маёй Радзімы», тэматыка работ – ад гістарычных славутасцяў, вядомых людзей, Герояў Беларусі да сучасных прадпрыемстваў, прадукцыя якіх сапраўды з’яўляецца брэндам нашай краіны.

Наступным пунктам у шэрагу мерапрыемстваў стаў набор першакурснікаў у студэнцкi савет факультэта «Стань адным з нас!». Студэнты праявілі актыўнасць і зараз выконваюць творчыя заданні ад студэнцкага савета.

З мэтай удасканалення культуры здаровага ладу жыцця і ўстойлівага непрымання ўжывання алкаголю, тытунёвых вырабаў, электронных сістэм курэння праведзена акцыя «Мы выбіраем цвярозы лад жыцця! Ты з намі?».

Ва ўсіх групах на працягу верасня адбылiся інфармацыйныя гадзiны, прысвечаныя генацыду беларускага народа, накіраваныя на захаванне гістарычнай памяці і недапушчэнне рэабілітацыі фашызму.