Навіны ўніверсітэта

На лiнгвiстычным факультэце прайшло адно з самых маштабных мерапрыемстваў «Першакурснiк2025» – “Freshman25” для студэнтаў I курса.

“Freshman25” – гэта мерапрыемства, якое штогод арганізуе студэнцкi савет лінгвістычнага факультэта для першакурснікаў. Каманды навучальных груп спаборнічаюць паміж сабой, праходзяць займальныя квэсты, у якіх трэба праявіць кемлівасць і камандны дух, збіраюць запаветныя балы. Арганізатары, вызначаюць пераможцу, які і атрымлівае галоўны прыз.

Вядома ж не абышлося і без смачнай ежы! Студэнты старэйшых курсаў прыгатавалі разнастайныя пачастункі для першакурснікаў, каб кожны мог атрымаць асалоду ад гэтага свята і зарадзіцца энергіяй для новых здзяйсненняў!

Для студэнтаў I курса “Freshman25” стаў выдатнай магчымасцю бліжэй пазнаёміцца са студэнцкiм саветам факультэта, здабыць новых сяброў, пагрузіцца ў атмасферу студэнцкага жыцця на факультэце і атрымаць новыя прыемныя ўражанні.