Навіны ўніверсітэта

Штогод кафедра дашкольнай і пачатковай адукацыі аб'ядноўвае аднадумцаў на Міжнародным навукова-практычным семінары «Дашкольная і пачатковая адукацыя: вопыт, праблемы, перспектывы».

24—25 красавіка 2025 года быў арганізаваны дыстанцыйны ўдзел замежных прадстаўнікоў з Джызакскага дзяржаўнага педагагічнага ўніверсітэта (Джызак, Рэспубліка Узбекістан), Сургуцкага дзяржаўнага педагагічнага ўніверсітэта (Сургут, Расійская Федэрацыя), Прыднястроўскага дзяржаўнага ўніверсітэта імя Т.Г. Шаўчэнка (Ціраспаль, Рэспубліка Малдова, Прыднястроўе), Таразскага рэгіянальнага ўніверсітэта імя М. Х. Дулаці (Тараз, Рэспубліка Казахстан), Шадрынскага дзяржаўнага педагагічнага ўніверсітэта (Шадрынск, Расійская Федэрацыя), Саратаўскага дзяржаўнага навукова-даследчага ўніверсітэта імя М.Г. Чарнышэўскага (Саратаў, Расійская Федэрацыя), Забайкальскага дзяржаўнага ўніверсітэта (Чыта, Расійская Федэрацыя), Разанскага інстытута развіцця адукацыі (Разань, Расійская Федэрацыя) і ўстаноў адукацыі Расійскай Федэрацыі, Рэспублікі Казахстан, Рэспублікі Узбекістан; і вочна-завочны ўдзел прадстаўнікоў Міністэрства адукацыі і ўстаноў адукацыі Рэспублікі Беларусь. Удзельнікі прадставілі відэа даклады, прэзентацыі і выступленні. Колькасць зарэгістраваных удзельнікаў — 201 з якіх ад Беларусі — 164, Расіі — 18, Малдовы — 14, Казахстана — 4, Узбекістана —1.

У адпаведнасці з праграмай семінара праведзены пленарнае і секцыйныя пасяджэнні. Пленарнае пасяджэнне было арганізавана і праведзена загадчыкам кафедры дашкольнай і пачатковай адукацыі БарДУ Дубешка Н.Р.: прывітальнае слова ўдзельнікам семінара было дадзена першаму прарэктару БарДУ Клімуку У.У., намесніку дэкана факультэта педагогікі і псіхалогіі Ляўкевіч Л.М.; быў прадстаўлены відэа-даклад прадстаўніка Міністэрства адукацыі Рэспублікі Беларусь Давідовіч А.Л.; дыстанцыйна падключыліся прадстаўнік Рэспублікі Узбекістан Джэлялаў М.З. і прадстаўнік Рэспублікі Казахстан Сейдаліева Г.Ш.; вочныя даклады былі прадстаўлены дэканам факультэта дашкольнай адукацыі БДПУ імя Максіма Танка Анцыпіровіч В.М. і настаўнікамі спецыяльных класаў «Сярэдняй школы № 13 г. Баранавічы» Чаплыгінай А.Э і Яшчэня І.В.; завочны даклад прадстаўлены загадчыкам кафедры тэорыі і методыкі пачатковай адукацыі МДУ імя А.А.Куляшова Чумаковай С.П.

24 красавіка 2025 года была арганізавана работа 7 секцый.

На пасяджэнні секцыі № 1 абмяркоўваліся вынікі IV студэнцкай дыстанцыйнай алімпіяды «Дашкольная і пачатковая адукацыя: тэорыя і практыка».

На пасяджэнні секцыі № 2, арганізаванай у інтэрактыўнай форме, удзельнікі пазнаёміліся з напрамкамі дзейнасці Універсітэта для дзяцей, атрымалі рэкамендацыі па арганізацыі гульнявой дзейнасці дашкольнікаў і малодшых школьнікаў.

На пасяджэнні секцыі № 3 — практыкум «Сучасныя адукацыйныя практыкі ва ўстанове дашкольнай адукацыі» пастанавілі разгледзець ва ўмовах практыкі сучасныя падыходы да арганізацыі пазнавальнай практычнай дэталёвасці дзяцей (лабараторыя адкрыццяў).

На пасяджэнні секцыі № 4 — творчая метадычная пляцоўка «Форум-тэатр на ўроках літаратурнага чытання ў пачатковых класах» пастанавілі трансфармаваць вопыт выкарыстання «форум-тэатра» на ўроках літаратурнага чытання ў пачатковых класах пры арганізацыі і правядзенні метадычных аб'яднанняў настаўнікаў пачатковых класаў.

На пасяджэнні секцыі № 5 праводзіўся майстар-клас «Эфектыўныя метады і прыёмы развіцця функцыянальнай пісьменнасці навучэнцаў пачатковых класаў».

На пасяджэнні секцыі № 6 арганізаваны трэнінг «Камунікатыўнае асяроддзе інклюзіўнай адукацыйнай прасторы». У ходзе работы секцыі пастанавілі выкарыстоўваць прынцып інклюзіі ў рабоце з дзецьмі ва ўстановах адукацыі агульнага прызначэння.

На пасяджэнні секцыі № 7, «Цыфравізацыя дашкольнай і пачатковай адукацыі «Візуальнае праграмаванне, адукацыйная робататэхніка, штучны інтэлект у рабоце педагога», абмеркавалі магчымасці і праблемы выкарыстання камп'ютарных тэхналогій у рабоце педагогаў.

25 красавіка 2025 года была арганізавана работа секцыі № 8 у дыстанцыйнай форме «Дашкольная і пачатковая адукацыя за мяжой» удзельнікаў семінара БУ ВА Ханты-Мансійскай аўтаномнай акругі — Югры «Сургуцкі дзяржаўны педагагічны універсітэт» (Расійская Федэрацыя) з тэмай «Прыярытэтныя напрамкі адукацыйнай палітыкі Ханты-Мансійскай аўтаномнай акругі – Югры ў сферы дашкольнай адукацыі» і ДАУ «Прыднястроўскі дзяржаўны ўніверсітэт ім. Т.Г. Шаўчэнка» з тэмай «Дашкольная адукацыя ў Прыднястроўі: вопыт і перспектывы развіцця», па выніках якой пастанавілі выкарыстоўваць вопыт міжнароднай практыкі з улікам асаблівасцяў нацыянальнага кампанента ўстаноў дашкольнай і пачатковай адукацыі.

За кошт сродкаў рэспубліканскага бюджэту да XVI Міжнароднага навукова-практычнага семінара «Дашкольная і пачатковая адукацыя: вопыт, праблемы, перспектывы» быў падрыхтаваны і выдадзены друкаваны зборнік навуковых артыкулаў, для ўніверсітэтаў-партнёраў і завочных удзельнікаў падрыхтавана PDF версія зборніка, усе ўдзельнікі атрымалі сертыфікаты.

Дзякуем за супрацоўніцтва і будзем чакаць новай сустрэчы ў наступным годзе!