Навіны ўніверсітэта

21 красавіка 2025 г. ў Баранавіцкім гарадскім Доме культуры стартаваў Рэспубліканскі маладзёжны кірмаш вакансій. У гэтым значным мерапрыемстве прынялі ўдзел выкладчыкі лінгвістычнага факультэта – Алена Ігараўна Грыцкевіч і Кацярына Юр’еўна Панкевіч. У рамках кірмашу яны азнаёмілі абітурыентаў з актуальнымі спецыяльнасцямі, якія можна атрымаць у Баранавіцкім дзяржаўным універсітэце, і адказалі на пытанні аб магчымасцях навучання.

25 красавіка 2025 г. у горадзе Нясвіж прайшоў педагагічны форум «Педагог. Адукацыя. Якасць», на якім Алена Уладзіміраўна Татарыновіч, старшы выкладчык кафедры тэорыі і практыкі германскіх моў, прадставіла інтэрактыўную выставачную пляцоўку лінгвістычнага факультэта. Удзельнікі форуму змаглі азнаёміцца з інавацыйнымі метадамі выкладання і адукацыйнымі праграмамі, якія прапануе факультэт.

Абодва мерапрыемствы сталі выдатнай магчымасцю для актыўнага ўзаемадзеяння ўніверсітэта з будучымі абітурыентамі, а таксама для прэзентацыі адукацыйных праграм, якія садзейнічаюць іх прафесійнаму росту.