Навіны ўніверсітэта

18 красавіка кафедрай псіхалогіі і фізічнага выхавання факультэта педагогікі і псіхалогіі Баранавіцкага дзяржаўнага ўніверсітэта была праведзена VI Рэспубліканская алімпіяда па псіхалогіі «Свет псіхалогіі», прымеркаваная да Года добраўпарадкавання краіны. Да ўдзелу былі запрошаны каманды навучэнцаў педагагічных класаў, груп педагагічнай накіраванасці 9-11 класаў, а таксама навучэнцы 9-11 класаў у складзе 5 чалавек.

Алімпіяда была арыентавана на развіццё псіхалагічнай культуры і адказнасці ў навучэнцаў, садзейнічанне іх прафесійнаму самавызначэнню, стымуляванне іх творчай і навуковай актыўнасці, садзейнічанне ўсведамленню значных сацыяльна-псіхалагічных праблем сучаснага грамадства і шляхоў іх вырашэння.

У Алімпіядзе бралі ўдзел 85 навучэнцаў з 17 каманд з гімназій і школ Брэсцкай, Мінскай, Гродзенскай абласцей. На адкрыцці алімпіяды з прывітальным словам выступілі РЫТВІНСКАЯ Яўгенія Міхайлаўна, прарэктар па вучэбнай рабоце, кандыдат сельскагаспадарчых навук, дацэнт, і ЯЦЭНКА Таццяна Яўгенаўна, дэкан факультэта педагогікі і псіхалогіі, кандыдат псіхалагічных навук, дацэнт.

У рамках правядзення алімпіяды працавалі чатыры секцыі, у кожнай з якіх ажыццяўляла судзейства кампетэнтнае журы:

• Секцыя 1: Т.Я. ЯЦЭНКА, дэкан факультэта педагогікі і псіхалогіі, кандыдат псіхалагічных навук, старшыня журы, Н.П. ВАШЧЫЛКА, старшы выкладчык, магістр педадагічных навык; В.В. ПАВЯДАЙЛА, выкладчык.
• Секцыя 2: А.Р. ІЦЭНКА, загадчык кафедры псіхалогіі і фізічнага выхавання, кандыдат філасофскіх навук, дацэнт (старшыня журы), А.Ф. НЕСЦЕР, старшы выкладчык, даследчык у галіне псіхалагічных навук; Д.А. ДУДЗЕК, выкладчык, магістр.
• Секцыя 3: Н.М. ШАВЕЛЬ, старшы выкладчык, даследчык у галіне псіхалагічных навук (старшыня журы), Я.В. ЛЯШКЕВІЧ, старшы выкладчык, магістр псіхалагічных навук; Н.У. РАМАНЧУК, старшы выкладчык кафедры дашкольнай і пачатковай адукацыі, магістр педадагічных навык.
• Секцыя 4: Л.М. ЛЕВКЕВІЧ, намеснік дэкана факультэта педагогікі і псіхалогіі па выхаваўчай рабоце, магістр педагагічных навук (старшыня журы), М.Л. КРЫВУЦЬ, загадчык лабараторыі «Цэнтр ідэй і практык у мэтах устойлівага развіцця» БарДУ; М.А. КАРОЛЬ, старэйшы выкладчык, магістр.

Каманды спаборнічалі ў трох конкурсах: конкурс I – «Візітоўка» (тэма візіткі – «Мой асобасны ўклад у добраўпарадкаванне краіны»), II – «Эрудыт», III – «Псіхалогія: новы погляд». Каманды прэзентавалі сябе, вырашалі алімпіядныя заданні розных фарматаў і відаў складанасці (ідэнтыфікацыя псіхалагічнага феномена па метафарычным малюнкам, вызначэнне асноўных навуковых ідэй псіхалагічных эксперыментаў, псіхалагічная інтэрпрэтацыя відэасюжэтаў), абаранялі свае праекты на тэму «Навацыйны метад псіхалагічнай прафілактыкі схільнасці навучэнцаў падлеткавага і юнацкага ўзросту да ўжывання абсцэнай (нецэнзурнай) лексікі ў зносінах і фарміравання ў іх псіхалагічнай культуры гаворкі».

Па выніках працы журы каманды былі ўзнагароджаны дыпломамі I, II і III ступеняў, а таксама асобныя каманды былі ўдастоены дыпломаў па асобных намінацыях («Інтэлектуальная і псіхалагічная сінэргія», «Псіхалогія: сучасны погляд», «Крэатыўнае рашэнне», «Аратарскае мастацтва», «Эрудыцыя ў псіхалогіі», «Псіхалагічная пазіцыя»).

ДЫПЛОМАМ I СТУПЕННІ ўзнагароджаны: каманда «Адкрыты патэнцыял» ДУА «Гімназія г. Пружаны»; каманда «Псіхпрофіль» ДУА «Сярэдняя школа № 17 г. Ліда»; каманда «Лікарыс» ДУА «Сярэдняя школа № 14 г. Баранавічы»; каманда «перазагрузка» ДУА «Сярэдняя школа № 3 г. Мар'іна Горка».

ДЫПЛОМАМ II СТУПЕННІ ўзнагароджаны: каманда «Псіхічныя працэсы» ДУА «Гімназія № 3 г. Барысава»; каманда «Эмацыйны сад» ДУА «Сярэдняя школа № 20 г. Барысава»; каманда «Трыгер» ДУА «Сярэдняя школа № 3 г. Барысава»; каманда «Гармонія душы» ДУА «Лошніцкая гімназія Барысаўскага раёна».

ДЫПЛОМАМ III СТУПЕННІ ўзнагароджаны: каманда «Сіла ўкладу» ДУА «Сярэдняя школа № 11 г. Брэста»; каманда «Лэдзі дасканаласць» ДУА «Сярэдняя школа № 2 г. Бярозаўка»; каманда «Лучанкі» ДУА «Гімназія № 40 ім. Я.Лучыны г. Мінска»; какмнда «ЭМПАТЫ» ДУА «Сярэдняя школа № 10 г. Баранавічы»; каманда «210 вольт» ДУА «Сярэдняя школа № 210 г. Мінска».

Кафедра псіхалогіі і фізічнага выхавання выказвае падзяку адміністрацыі ўстаноў адукацыі, якая прадаставіла магчымасць вучням узяць удзел у Алімпіядзе, а таксама кіраўнікам каманд-удзельніц за высокі ўзровень прафесіяналізму ў падрыхтоўцы навучэнцаў на Алімпіяду.