Навіны ўніверсітэта

17 красавіка 2025 г. ў кінатэатры «Кастрычнік» адбыўся прэм’ерны паказ дылогіі «Лагеры смерці» і «Спаленыя вёскі» пра генацыд беларускага народа. Перад пачаткам прагляду гледачы азнаёміліся з відэапаведамленнем Генеральнага пракурора Рэспублікі Беларусь Андрэя Іванавіча Шведа, у якім падкрэсліваецца значнасць захавання гістарычнай праўды.

Дакументальныя фільмы дылогіі раскрываюць жахлівыя старонкі гісторыі беларускага народа ў гады Вялікай Айчыннай вайны.

У фільмах прадстаўлены матэрыялы расследаванняў Генеральнай пракуратуры Рэспублікі Беларусь, унікальныя архіўныя фота- і відэаматэрыялы, а таксама сведчанні відавочцаў, якія ўзнаўляюць карціну тых страшных падзей.

Змест фільмаў «Лагеры смерці» і «Спаленыя вёскі» нікога з гледачоў не пакінуў абыякавым, паказаў праўдзівы маштаб пакут беларускага народа ў гады Вялікай Айчыннай вайны.