Навіны ўніверсітэта

На інжынерным факультэце добрай традыцыяй стаў штогадовы конкурс прафесійнага майстэрства «Ад студэнта да інжынера», арганізаваны кампаніяй «Ніва-Холдынг» і Баранавіцкім дзяржаўным універсітэтам.

19 сакавіка 2025 года на ўрачыстым адкрыцці чарговага конкурсу рэктар універсітэта А.М.Унсовіч зазначыў, што праект «Ад студэнта да інжынера» стаў значнай пляцоўкай для студэнтаў, дзе яны могуць прадэманстраваць свае прафесійныя навыкі і веды, а цеснае ўзаемадзеянне прадпрыемства-заказчыка кадраў і ўніверсітэта – гарантыя атрымання канкурэнтаздольнага і кваліфікаванага спецыяліста, паколькі дазваляе інтэграваць тэарэтычныя веды з практычным вопытам.

Намеснік генеральнага дырэктара па кіраванні і прававых пытаннях УПП «Ніва» Майсееня Андрэй Юр'евіч падзякаваў адміністрацыі універсітэта за супрацоўніцтва і пажадаў студэнтам паспяхова справіцца з пастаўленымі задачамі.

Конкурс праходзіў у два этапы. Студэнты другога курса стваралі 3D-мадэлі дэ-талі, а студэнты старэйшых курсаў акрамя стварэння электронных мадэляў выконвалі зборку прыкладзенага вузла, з наступным выкананнем зборачных чарцяжоў і спе-цыфікацый.

Экспертамі конкурсу выступілі Смаляк Вячаслаў Аляксандравіч - намеснік галоўнага канструктара - начальнік аддзела транспартуючага абсталявання ААТ «ЛМЗ Універсал», Лагун Віктар Міхайлавіч - намеснік галоўнага канструктара - начальнік аддзела ачышчальнага абсталявання ААТ «ЛМЗ Універсал», а таксама прафесарска выкладчыцкі склад кафедры тэхналогіі і абсталявання машынабудавання - Багданава Тамара Якаўлеўна і Наліўка Алег Ігаравіч.

Вынікі конкурсу сярод студэнтаў другога курса:

• 1 месца - Жуковіч Станіслаў 
• 2 месца - Гурыновіч Ілля
• 3 месца - Рыжанкоў Максім

Заахвочвальны прыз атрымаў студэнт Шчотка Юры.

Вынікі конкурсу сярод студэнтаў 3-4 курсаў:

• 1 месца - Матыборскі Сяргей
• 2 месца - Краўцоў Максім
• 3 месца - Васкевіч Максім

Заахвочвальны прыз атрымаў студэнт Завіставіч Мацвей. 

Усе пераможцы атрымалі заслужаныя ўзнагароды - дыпломы, грашовыя ўзнагароды і памятныя падарункі ад УПП «Ніва-Холдынг».

Удзел у конкурсе дапамагае студэнтам праявіць свае творчыя здольнасці, адкрывае новыя перспектывы для далейшага прафесійнага росту.

Інжынерны факультэт выказваюць падзяку адміністрацыі УПП «Ніва-Холдынг» за ўдзел у арганізацыі і правядзенні конкурсу. Спадзяемся, што наперадзе нас чакае яшчэ шмат цікавых і карысных мерапрыемстваў, накіраваных папулярызацыю і развіццё тэхнічнай творчасці сярод навучэнцаў.