Навіны ўніверсітэта

12 сакавіка 2025 гады паміж установай адукацыі «Баранавіцкі дзяржаўны ўніверсітэт» і ўпраўленнем Следчага камітэта Рэспублікі Беларусь па Брэсцкай вобласці падпісана дамова аб супрацоўніцтве. Дамова замацавала кірункі шматгадовага дзейснага супрацоўніцтва паміж бакамі ў вобласці павышэння якасці адукацыі, арганізацыі прафарыентацыйнай працы, правядзенні сумесных адукацыйных і навукова-даследчых мерапрыемстваў, узмацненні практычнай скіраванасці падрыхтоўкі студэнтаў, якія атрымліваюць ва ўніверсітэце юрыдычную адукацыю. З мэтай абмеркавання кірункаў далейшага  супрацоўніцтва, падпісання дамовы і арганізацыі сустрэчы са студэнтамі ўніверсітэт наведалі Леган Віктар Мячыслававіч, начальнік ўпраўлення Следчага камітэта Рэспублікі Беларусь па Брэсцкай вобласці, палкоўнік юстыцыі і Пятрыка Валянцін Мікалаевіч, начальнік Баранавіцкага міжраённага аддзела Следчага камітэта Рэспублікі Беларусь, палкоўнік юстыцыі.

На дадзены момант у органах Следчага камітэта ў Брэсцкай вобласці працуюць больш за 50 выпускнікоў Баранавіцкага дзяржаўнага ўніверсітэта і 9 студэнтаў, якія навучаюцца ва ўніверсітэце завочна. Пазаштатнымі супрацоўнікамі Баранавіцкага міжраённага аддзела Следчага камітэта з'яўляюцца 9 студэнтаў Баранавіцкага дзяржаўнага ўніверсітэта.