Навіны ўніверсітэта

13 лютага 2025 года інжынерны факультэт наведала дэлегацыя УПП "Ніва" - кіруючая кампанія холдынгу "Ніва-Холдынг" у складзе намесніка галоўнага канструктара - начальніка аддзела праходчага абсталявання Наскавіча Аляксандра Анатольевіча і інжынера па сацыяльным развіцці Зелянко Таццяны Уладзіміраўны.

У рамках функцыянавання сумеснай навукова-тэхнічнай лабараторыі ўстановы адукацыі «Баранавіцкі дзяржаўны ўніверсітэт» і УВП «НІВА-Холдынг» працягваецца распрацоўка мадэляў па канструктарскай дакументацыі студэнтамі інжынернага факультэта.

У лабараторыі інжынерна-канструктарскія заданні ад УВП "НІВА" выконваюць студэнты 3 і 4 курсаў спецыяльнасцей "Тэхналогія машынабудавання" і "Вытворчасць вырабаў на аснове трохмерных тэхналогій". Насковіч А.А. перадаў студэнтам чарцяжы для выканання наступнага этапа работ па дагаворы аб выкананні навукова-канструктарскіх работ.

Адбыўся круглы стол з прадстаўнікамі "НІВА-Холдынг" па пытанні арганізацыі штогадовага конкурсу прафесійнага майстэрства "Ад студэнта да інжынера". На сустрэчы прысутнічалі дэкан інжынернага факультэта Л.Л.Сотнік, загадчык кафедры тэхналогіі і абсталявання машынабудавання І.А.Багдановіч, загадчык лабараторыі адытыўных тэхналогій А.І.Наліўка і старшы выкладчык Т.Я.Багданава. Прааналізавана магчымасць арганізацыі ў летні перыяд студэнцкіх вытворчых атрадаў на базе УВП "НІВА-ХОЛДЫНГ".

Спадзяемся на далейшае развіццё ўзаемадзеяння паміж БарДУ і УПП "Ніва" ў напрамку падрыхтоўкі кваліфікаваных і запатрабаваных на рынку працы спецыялістаў.