БарДУ. Навіны ўніверсітэта - Навукова-метадычны семінар у рамках супрацоўніцтва кафедры тэорыі і практыкі германскіх моў і ДУА «Сярэдняя школа № 14 г. Баранавічы»

Навукова-метадычны семінар у рамках супрацоўніцтва кафедры тэорыі і практыкі германскіх моў і ДУА «Сярэдняя школа № 14 г. Баранавічы»

3 студзеня 2025 года у рамках супрацоўніцтва кафедры тэорыі і практыкі германскіх моў БарДУ і ДУА «Сярэдняя школа № 14 г. Баранавічы» адбыўся навукова-метадычны семінар «Міжкультурныя іншамоўныя зносіны як сродак фарміравання функцыянальнай граматнасці навучэнцаў».

Удзельнікамі семінара сталі выкладчыкі нямецкай мовы кафедры тэорыі і практыкі германскіх моў БарДУ і ДУА «Сярэдняя школа № 14 г. Баранавічы», студэнты лінгвістычнага факультэта БарДУ, якія вывучаюць нямецкую мову.

У рамках семінара вызначаны тэарэтычныя асновы фарміравання функцыянальнай граматнасці навучэнцаў, а таксама асноўныя характарыстыкі функцыянальнай асобы навучэнца і канцэпцыі яе фарміравання. Удзельнікі семінара абмяняліся вопытам выкарыстання ў адукацыйным працэсе па замежнай мове эфектыўных прыёмаў, практыка-арыентаваных заданняў па замежнай мове як сродку фарміравання функцыянальнай граматнасці навучэнцаў. Адказным за арганізацыю семінара выступіла старшы выкладчык кафедры З. І. Корзун.