Навіны ўніверсітэта

У рамках мерапрыемстваў, прысвечаных году якасці, 20.12.2024 на базе факультэта эканомікі і права Баранавіцкага дзяржаўнага ўніверсітэта секцыяй маркетынгу і менеджменту кафедры тэарэтычнай і прыкладной эканомікі быў арганізаваны практычны семінар з прадстаўнікамі заказчыкаў кадраў па пытаннях кіравання якасцю «Ад кіравання якасцю да якасці кіравання».

У семінары прынялі ўдзел эксперты ў галіне менеджменту якасці розных арганізацый горада Баранавічы. ААТ «Баранавіцкі камбінат хлебапрадуктаў» прадстаўлялі галоўны тэхнолаг Кунаш А.У. і інжынер па якасці Цімбота Н.Я. Ад ААТ «Гандальмаш» у семінары прынялі ўдзел начальнік аддзела стандартызацыі і сертыфікацыі Карповіч С.А. і начальнік тэхналагічнага аддзела Трус А.А. ААТ «Баранавіцкі аўтаагрэгатны завод» прадстаўлялі інжынеры па якасці АДКіСМ Захарац Л.В і Малышава Т.В., а таксама інжынер-тэхнолаг Гарбаты Р.В. ААТ «Бархім» прадставіла інжынер па стандартызацыі Крывіцкая А.М. Баранавіцкі дзяржаўны ўніверсітэт прадстаўляла вядучы спецыяліст па менеджменце якасці Герасімовіч Т.Л.

У якасці асноўнага спікера і эксперта ў галіне менеджменту якасці выступала Налівайка Г.М., дацэнт кафедры тэарэтычнай і прыкладной эканомікі, кандыдат эканамічных навук, дацэнт. Галіна Міхайлаўна падрабязна расказала аб новых навуковых даследаваннях у галіне менеджменту здароўя як асновы менеджменту якасці.

Прадстаўнікі арганізацый падзяліліся сваім вопытам у галіне кіравання якасцю, магчымасці уніфікацыі справаздачнасці па элементах затрат на якасць.

Па выніках практычнага семінара былі выпрацаваны напрамкі супрацоўніцтва ўніверсітэта з арганізацыямі ў сферы навуковых даследаванняў па кіраванні якасцю.

Выказваем падзяку ўсім удзельнікам семінара за актыўны ўдзел у мерапрыемстве.