Навіны ўніверсітэта

05 снежня 2024 года Баранавіцкі дзяржаўны ўніверсітэт наведала дэлегацыя УПП «НІВА» – кіруючая кампанія холдынгу «НІВА-ХОЛДЫНГ» у складзе намесніка генеральнага дырэктара па кіраванні персаналам і прававых пытаннях Андрэя Юр'евіча Майсеені, начальніка аддзела выемачнага і свідравога абсталявання ААТ «ЛМЗ Універсал» Дзмітрыя Сяргеевіча Рамановіча і спецыяліста па прафарыентацыйнай рабоце і падборы персаналу Зялёнка Таццяны Уладзіміраўны.

Адбыўся круглы стол з прадстаўнікамі «НІВА-ХОЛДЫНГ», дзе прысутнічалі рэктар універсітэта А.М. Унсовіч, дэкан інжынернага факультэта Л.Л.Сотнік, загадчык кафедры тэхналогіі і абсталявання машынабудавання І.А.Багдановіч, старшы выкладчык Т.Я.Багданава. У рамках абмеркавання пытання дзейнасці сумеснай навукова-тэхнічнай лабараторыі ўстановы адукацыі «Баранавіцкі дзяржаўны ўніверсітэт» і УВП «НІВА-ХОЛДЫНГ» падпісаны дагавор аб выкананні навукова-канструктарскіх работ студэнтамі інжынернага факультэта.

А.Ю.Майсееня перадаў у бібліятэку ўніверсітэта альбом малюнкаў Д.Струкава (1864-1867), а ў сумесную навукова-тэхнічную лабараторыю макет свідравога станка СБШ «Буран».

Прадстаўнікі УПП «НІВА» сустрэліся са студэнтамі 2–4 курсаў спецыяльнасцей «Тэхналогія машынабудавання», «Вытворчасць вырабаў на аснове трохмерных тэхналогій» і «Інфармацыйныя сістэмы і тэхналогіі», прадставілі відэафільм аб кампаніі «НІВА-ХОЛДЫНГ», аб рэалізуемых праектах на прадпрыемствах. Таксама студэнтам была прадастаўлена інфармацыя аб умовах працы, аб арганізацыі вольнага часу і побыту работнікаў. Студэнты актыўна задавалі пытанні.