Навіны ўніверсітэта

Напярэдадні Дня Кастрычніцкай рэвалюцыі на лінгвістычным факультэце праведзена пазааўдыторнае мерапрыемства – віктарына «Чырвоны дзень календара».

Выкладчыкі і студэнты падрыхтавалі інфармацыйныя матэрыялы і дакументальныя фільмы, прысвечаныя гэтай знамянальнай даце. Студэнты IV курса распрацавалі рознаўзроўневую віктарыну з наступнымі рубрыкамі: «Асоба», «Падзея», «Фота» і іншыя.

Удзельнікі каманд «Аўрора», «Чырвоная зорка», «Светлы шлях» спаборнічалі ў веданні гістарычных фактаў аб Кастрычніцкай рэвалюцыі, яе прычынах і выніках.

Мерапрыемства прайшло цікава, захапляльна. Пераможцы атрымалі салодкія прызы, а ўсе ўдзельнікі паштоўкі, прысвечаныя чырвонаму дню календара, – Дню Кастрычніцкай рэвалюцыі.