Навіны ўніверсітэта

26 кастрычніка 2024 г. на лінгвістычным факультэце Баранавіцкага дзяржаўнага ўніверсітэта быў рэалізаваны прафарыентацыйна-адукацыйны праект «Стань студэнтам на адзін дзень».

У рамках сустрэчы з адміністрацыяй факультэта ўдзельнікі мерапрыемства атрымалі актуальную інфармацыю аб спецыяльнасцях лінгвістычнага факультэта, аб асаблівасцях прыёмнай кампаніі 2025 года.

Выкладчыкі падрыхтавалі інтэрактыўныя пляцоўкі для будучых абітурыентаў:

• Майстар-клас «German ці Deutsch? – Выбар бяспройгрышны!»;
• Інтэрактыўная віктарына «Таямніцы Паднябеснай»;
• Інтэрактыўная гульні «Лінгвістычны калейдаскоп»;
• Інтэрактыўны конкурс «Беларускія пісьменнікі-юбіляры».

Навучэнцы школ змаглі адчуць сябе студэнтамі і прыняць удзел у майстар-класах, квізах, віктарынах, конкурсах, дзякуючы якім яны пагрузіліся ў жыццё ўніверсітэта. Студэнтамі лінгвістычнага факультэта былі праведзены азнаямленчыя экскурсіі па інфраструктуры ўніверсітэта.

Лінгвістычны факультэт выказвае падзяку арганізатарам і ўдзельнікам за рэалізацыю праекта.