Навіны ўніверсітэта

У перыяд з 21.10.2024 па 24.10.2024 серыю лекцый і практычных заняткаў для студэнтаў факультэта педагогікі і псіхалогіі праведзена ЯСТРАБ Наталляй Андрэеўнай, доктарам філасофскіх навук, дацэнтам, дырэктарам Інстытута сацыяльных і гуманітарных навук Валагодскага дзяржаўнага ўніверсітэта (Расійская Федэрацыя).

Тэматыка заняткаў ахоплівала пытанні інфармацыйнай вайны, постпраўды ў інфармацыйнай прасторы, лагічных памылак і скажэнняў, якія прымяняюцца пры маніпуляцыі, прыёмаў развіцця крытычнага мыслення, штучнага інтэлекту.

Праведзеныя заняткі выклікалі глыбокую цікавасць у студэнтаў і выкладчыкаў, садзейнічалі асэнсаванню значнасці крытычнага мыслення ў жыцці сучаснага спецыяліста і чалавека.

Адбылася сустрэча ЯСТРАБ Наталлі Андрэеўны з дэканам факультэта педагогікі і псіхалогіі Т.Я.Яцэнка, намеснікам дэкана па ідэалагічнай і выхаваўчай рабоце Л.М.Ляўкевіч, загадчыкам кафедры псіхалогіі і фізічнага выхавання А.Р.Іцэнка. Вызначаны перспектывы навуковага і адукацыйнага супрацоўніцтва на 2024-2025 нав.г., найбліжэйшай з якіх выступае правядзенне сумеснага міжнароднага конкурсу філасофскіх эсэ «Праблемы чалавека ў XXI стагоддзі» ў лістападзе 2024 года.

У рамках культурнай праграмы ЯСТРАБ Наталля Андрэеўна прыняла ўдзел у экскурсіі па храмах горада Баранавічы, арганізаванай загадчыкам кафедры псіхалогіі і фізічнага выхавання А.Р.Іцэнка (сабор Пакрова Прасвятой Багародзіцы, храм святых Жонак – Міраносіц), а таксама наведала духоўна-асветніцкі цэнтр храма Жонак-Міраносіц.

Факультэт педагогікі і псіхалогіі, кафедра псіхалогіі і фізічнага выхавання выказваюць падзяку адміністрацыі ўніверсітэта за прадстаўленую магчымасць запрашэння вядучага вучонага Расіі ў галіне філасофіі, ЯСТРАБ Наталлі Андрэеўне за наведванне ўніверсітэта, абмен навуковым і акадэмічным вопытам, плённае супрацоўніцтва з факультэтам педагогікі і псіхалогіі, кафедрай псіхалогіі і фізічнага выхавання.