Навіны ўніверсітэта

24 верасня на інжынерным факультэце адбылася сустрэча студэнтаў 1 і 2 курсаў з благачынным Баранавіцкай акругі Пінскай епархіі, настаяцелем храма Святога благавернага князя Аляксандра Неўскага г.Баранавічы, кандыдатам багаслоўя, протаіерэем В. Лазоўскім. Тэма гутаркі «Тварам да маральных і духоўных каштоўнасцяў». Развіццё духоўнасці моладзі - адна з асноўных праблем у сучасным грамадстве. Наяўнасць духоўнасці стварае заслон дэструктыўным сацыяльным з'явам, а выхаванне дае ўнутраную і знешнюю культуру, годнасць і маральнасць асобы.

Падчас размовы студэнты даведаліся пра міфы пра рэлігію, якія зараз існуюць у грамадстве. Адзін з развянчаных міфаў - «царква супраць навукі». Спрадвеку рэлігійныя дзеячы розных веравызнанняў былі найбольш адукаванымі, прагрэсіўнымі людзьмі. Што значаць у гісторыі Беларусі імёны прападобнай Еўфрасінні Полацкай, свяціцеля Кірылы Тураўскага, свяціцеля Сімяона Полацкага…

Таксама асаблівая ўвага была звернута на міф аб тым, што свабода - гэта ўсёдазволенасць. Чалавек, які трапляе ў залежнасць ад алкаголю ці наркотыкаў, яшчэ больш несвабодны, чым звычайныя людзі. Сустрэча была цікавай, узнятыя тэмы актуальныя.

Сустрэчы дадзенага фармату дазваляюць кожнаму чалавеку задумацца пра свой асабісты жыццёвы выбар.