Навіны ўніверсітэта

У бягучым годзе ва ўстанове адукацыі "Баранавіцкі дзяржаўны ўніверсітэт" адбыуся набор на 5 спецыяльнасцей паглыбленай вышэйшай адукацыі. Ад абітурыентаў было прынята 56 заяў.

8 ліпеня 2024 года адбыліся ўступныя іспыты ў асоб, якія паступаюць  для атрымання паглыбленай вышэйшай адукацыі.  26 чалавек прадоўжаць навучанне на дзённай форме атрымання адукацыі, 23 - на завочнай.

Самымі папулярнымі спецыяльнасцямі ў абітурыентаў сёлета сталі 7-06-0313-01 Псіхалогія (педагагічная псіхалогія), 7-06-0311-01 Эканоміка (аналітычная эканоміка і кіраванне бізнесам), 7-06-0714-02 Інавацыйныя тэхналогіі ў машынабудаванні ( адытыўныя і субтрактыўныя тэхналогіі).

Залічэнне ў лік студэнтаў для атрымання паглыбленай вышэйшай адукацыі за кошт сродкаў рэспубліканскага бюджэту па дзённай і завочнай формах атрымання адукацыі па выніках здачы ўступных іспытаў пройдзе 10 ліпеня, на платнай аснове - 11 ліпеня.

Пажадаем будучым магістрантам новых здзяйсненняў, рэалізацыi самых амбіцыйных планаў і задум у навуцы.