БарДУ. Факультэт педагогікі і псіхалогіі - Спецыялізаваны кабінет прыкладной педагогікі

Спецыялізаваны кабінет прыкладной педагогікі (кіраўнік - канд. пед. навук, дацэнт В. І. Козел) як інавацыйны комплекс уваходзіць у склад кафедры педагогікі факультэта педагогікі і псіхалогіі ўніверсітэта, якая валодае патэнцыялам для трансляцыі інавацыйнага вопыту па змястоўных напрамках, значным для падрыхтоўкі будучых спецыялістаў да прафілактыкі гвалту над непаўналетнімі і гандлю людзьмі.

Мэтай функцыянавання Кабінета з'яўляецца рэсурсная падтрымка студэнцкіх ініцыятыў, распрацоўка і ўкараненне ў педагагічную практыку навукова-метадычнага прадукту, які забяспечвае падрыхтоўку будучых спецыялістаў да прафілактыкі гвалту над непаўналетнімі і гандлю людзьмі.

Распрацоўка, метадычнае суправаджэнне і апрабацыя навукова-метадычнага прадукту ажыццяўляецца ў працэсе вучэбна-даследчай і навукова-даследчай працы студэнтаў, магістрантаў, аспірантаў, прафесарска-выкладчыцкага складу факультэтаў, якія забяспечваюць рэалізацыю адукацыйнай праграмы падрыхтоўкі спецыялістаў (1-я і 2-я ступені вышэйшай адукацыі) па педагагічных спецыяльнасцях.

Задачы Кабінета:

фарміраванне прафесійных і сацыяльна-асобасных кампетэнцый будучых спецыялістаў па прафілактыцы гвалту над непаўналетнімі і гандлю людзьмі;
арганізацыя і ажыццяўленне бесперапыннага інфармацыйнага абмену паміж спецыялістамі розных узроўняў і профіляў па абароне дзяцей у рамках дзейнасці Кабінета;
метадычнае забеспячэнне падрыхтоўкі будучых спецыялістаў да прафілактыкі гвалту над непаўналетнімі і гандлю людзьмі;
распрацоўка і апрабацыя тэхналогій, метадаў і формаў прафілактыкі гвалту над непаўналетнімі і гандлю людзьмі ва ўмовах агульнаадукацыйнай установы;
стварэнне, метадычнае суправаджэнне і забеспячэнне рэалізацыі праграм па прафілактыцы гвалту над непаўналетнімі і гандлю людзьмі;
навукова-метадычнае забеспячэнне суправаджэння прафесійна-педагагічнай дзейнасці педагогаў устаноў адукацыі ва ўсіх напрамках (распрацоўка дыдактычнага матэрыялу, сцэнарыяў пазакласных мерапрыемстваў, зместу бацькоўскіх сходаў, семінараў-трэнінгаў для навучэнцаў i педагогаў і г. д.);
стварэнне адзінай інфармацыйнай прасторы па прафілактыцы гвалту над непаўналетнімі і гандлю людзьмі (веб-сайт);
распрацоўка і апрабацыя эфектыўных метадаў і тэхналогій псіхолага-педагагічнага і сацыяльна-юрыдычнага суправаджэння дзяцей, пацярпелых ад гвалту і гандлю людзьмі;
распрацоўка і садзейнічанне выданню практычных кіраўніцтваў, дапаможнікаў, рабочых сшыткаў і іншых матэрыялаў па прафілактыцы гвалту над непаўналетнімі і гандлю людзьмі, адрасаваных сацыяльным педагогам, псіхолагам, класным кіраўнікам, бацькам;
правядзенне навукова-метадычных канферэнцый, семінараў, круглых сталоў, дыскусій, конкурсаў з удзелам навукоўцаў, практычных работнікаў, прадстаўнікоў грамадскіх аб'яднанняў і арганізацый па напрамках дзейнасці Кабінета;
акумуляцыя і папулярызацыя эфектыўных методык і тэхналогій у галіне падрыхтоўкі будучых спецыялістаў да прафілактыкі гвалту над непаўналетнімі і гандлю людзьмі.