Кафедра дашкольнай і пачатковай адукацыі

Загадчык кафедры Дубешка Наталля Рыгораўна кандыдат педагагічных навук, дацэнт

Падрабязная інфармацыя на афіцыйным сайце кафедры:  https://pe.barsu.by

Кафедра дашкольнай і пачатковай адукацыі ўстановы адукацыі «Баранавіцкі дзяржаўны ўніверсітэт» створана на факультэце педагогікі і псіхалогіі на падставе рашэння Савета універсітэта.

Кафедра забяспечвае рэалізацыю адукацыйных праграм і з'яўляецца:

• выпускаючай па спецыяльнасцях агульнай вышэйшай адукацыі факультэта педагогікі і псіхалогіі:
• 01 01 Дашкольная адукацыя;
• 6-05-0112-01 Дашкольная адукацыя (прафілізацыя: Візуальнае праграмаванне і адукацыйная робататэхніка);
• 02 01 Пачатковая адукацыя;
• 6-05-0112-02 Пачатковая адукацыя (прафілізацыя: Візуальнае праграмаванне і адукацыйная робататэхніка);
• па спецыяльнасці перападрыхтоўкі на аснове вышэйшай адукацыі ў ІПКіП універсітэта:
• 1-01 03 72 Дашкольная адукацыя;
• забяспечваючай па спецыяльнасцях паглыбленай вышэйшай адукацыі факультэта педагогікі і псіхалогіі:
• 7-06-0111-01 Навукова-педагагічная дзейнасць;
• 7-06-0313-01 Псіхалогія (прафілізацыя: Педагагічная псіхалогія).

Прафесарска-выкладчыцкі склад кафедры налічвае 12 чалавек, з іх 1 прафесар, доктар педагагічных навук, 2 кандыдаты педагагічных навук, 6 старшых выкладчыкаў, 2 выкладчыкі і 1 выкладчык-стажор.

Навукова-даследчая тэма кафедры - «Фарміраванне спецыялізаваных кампетэнцый (soft-skills) будучых педагогаў» (кіраўнік Н. Р. Дубешка, кандыдат педагагічных навук, дацэнт).Удасканаленне якасці вучэбна-метадычнай, навукова-даследчай, творчай і выхаваўча-ідэалагічнай работы выкладчыкаў і студэнтаў ажыццяўляецца з дапамогай арганізацыі і правядзення прыкладных даследаванняў ва ўстановах-партнёрах кафедры — ДУДА «Дзіцячы сад № 8 г. Баранавічы», ДУА «Сярэдняя школа № 1 г. Баранавічы імя С. І. Грыцаўца», ДУА «Сярэдняя школа № 17 г. Баранавічы», у лабараторыі педагогікі дзяцінства, студэнцкім навукова-даследчым аб'яднанні «Творчае праектаванне», а таксама валанцёрскім атрадзе «Дабро». Ёсць спецыялізаваныя аўдыторыі аб'яднання па інтарэсах дзяцей і моладзі «Універсітэт для дзяцей».

Кафедра актыўна супрацоўнічае з вучэбна-батанічнай гаспадаркай універсітэта, лабараторыяй «Цэнтр ідэй і практык у мэтах устойлівага развіцця», інстытутам павышэння кваліфікацыі і перападрыхтоўкі, бібліятэкай і іншымі структурнымі падраздзяленнямі ўніверсітэта.

Практыкаарыентаванае міжнароднае супрацоўніцтва ў галіне дашкольнай адукацыі рэалізуецца па Дарожных картах з Забайкальскім дзяржаўным універсітэтам (Чыта, Расійская Федэрацыя), Саратаўскім нацыянальным даследчым дзяржаўным універсітэтам імя М. Г. Чарнышэўскага (Саратаў, Расійская Федэрацыя), Сургуцкім дзяржаўным педагагічным універсітэтам, Шадрынскім дзяржаўным педагагічным універсітэтам (Шадрынск, Расійская Федэрацыя) і ўстановамі дашкольнай адукацыі Рэспублікі Беларусь і Расійскай Федэрацыі.

Прафесарска-выкладчыцкім складам кафедры ў адпаведнасці з загадам Міністэрства адукацыі Рэспублікі Беларусь рэалізуецца тры рэспубліканскія эксперыментальныя праекты ва ўстановах сярэдняй спецыяльнай адукацыі.

Штогод у красавіку праводзіцца міжнародны навукова-практычны семінар «Дашкольная адукацыя: вопыт, праблемы, перспектывы», па выніках работы якога публікуюцца зборнікі навуковых артыкулаў.