Кафедра псіхалогіі і філасофіі

Загадчык кафедры Іцэнка Аляксандр Рыгоравіч кандыдат філасофскіх навук, дацэнт

Падрабязная інфармацыя на афіцыйным сайце кафедры: https://ps.barsu.by

Кафедра псіхалогіі і філасофіі з'яўляецца выпускаючай па спецыяльнасцях агульнай вышэйшай адукацыі 1-03 04 03 «Практычная псіхалогія», 6-05-0114-01 «Сацыяльна-педагагічная і псіхалагічная адукацыя» і па спецыяльнасці паглыбленай вышэйшай адукацыі 7-06-0313-01 «Псіхалогія» (прафілізацыя «Педагагічная псіхалогія»). За кафедрай замацаваны 82 дысцыпліны.

Прафесарска-выкладчыцкі склад кафедры ўключае 19 выкладчыкаў, з якіх 1 мае вучоную ступень доктара педагагічных навук (унутраны сумяшчальнік), 2 — кандыдата філасофскіх навук (1 — штатны і 1 — знешні сумяшчальнік), 2 — кандыдата псіхалагічных навук (1 — унутраны і 1 — знешні сумяшчальнікі), 10 маюць акадэмічную ступень магістра ў галіне псіхалагічных, педагагічных і сацыялагічных навук. Выкладчыкі кафедры актыўна займаюцца навукова-даследчай работай, завяршылі навучанне ў аспірантуры, з'яўляюцца прызёрамі міжнародных і рэспубліканскіх конкурсаў навуковых, навукова-метадычных і вучэбна-метадычных распрацовак. 3 выкладчыкі навучаюцца ў аспірантуры (2 — БДПУ імя М.Танка, 1 — БрДУ імя А.С.Пушкіна).

Кафедра супрацоўнічае з заказчыкамі кадраў: падпісаны дагаворы аб супрацоўніцтве з ДУА «Сярэдняя школа №16 г. Баранавічы», ДУА «Сярэдняя школа №19 г. Баранавічы», ДУА «Сярэдняя школа №1 ім. С.І. Грыцаўца г. Баранавічы».
Згодна з зацверджаным планам навукова-даследчай работы кафедра працуе ў рамках навукова-даследчай тэмы «Сацыяльна-псіхалагічныя і асобасныя рэсурсы актыўнасці чалавека ў сітуацыях нявызначанасці». Пры кафедры функцыянуюць студэнцкае навукова-даследчае аб'яднанне «Прыкладная і эмпірычная псіхалогія», спецыялізаваны кабінет практычнай псіхалогіі і спецыялізаваны кабінет псіхалагічнай дыягностыкі.

Штогод праводзяцца навукова-практычны семінар з міжнародным удзелам «Актуальныя праблемы філасофіі і псіхалогіі: навука — практыцы» (з арганізацыяй працы тэматычных секцый і псіхалагічных майстэрняў), прадметная алімпіяда па псіхалогіі «Свет псіхалогіі» для навучэнцаў устаноў агульнай сярэдняй адукацыі, дыскусійная пляцоўка «Зімовыя навуковыя чытанні» (для студэнтаў і навучэнцаў), Тыдзень псіхалогіі. Адзін раз на два гады праводзіцца міжвузаўская студэнцкая алімпіядзе па псіхалогіі «Ψ-Батл» з міжнародным удзелам. Кафедра штогод выдае зборнік навуковых артыкулаў з міжнародным удзелам «Актуальныя праблемы фарміравання псіхолага-педагагічнай культуры будучых спецыялістаў». У лістападзе праводзіцца штогадовы міжнародны конкурс філасофскіх эсэ, прымеркаванага да Сусветнага дня філасофіі «Праблема чалавека ў XXI стагоддзі».

Адмысловае месца ў жыцці кафедры займае міжнароднае супрацоўніцтва. У асноўным па розных напрамках функцыянавання кафедра супрацоўнічае з такімі ўніверсітэтамі, як Тульскі дзяржаўны педагагічны ўніверсітэт ім. Л.Н. Талстога (г. Тула, Расія), Ніжнетагільскі дзяржаўны сацыяльна-педагагічны інстытут (філіял) Уральскага дзяржаўнага педагагічнага ўніверсітэта (г. Ніжні Тагіл, Расія), Валагодскі дзяржаўны ўніверсітэт (г. Волагда, Расія) і Пяцігорскі дзяржаўны ўніверсітэт (г. Пяцігорск, Расія), Смаленскі дзяржаўны ўніверсітэт (г. Смаленск, Расія).

Праца кафедры арыентавана на інтэграцыю псіхалагічных і філасофскіх ведаў c жыццём, павышэнне навуковага патэнцыялу навучэнцаў, развіццё прафесійнай кампетэнтнасці, мабільнасці і крэатыўнасці ў будучых спецыялістаў.

Выкладчыкі кафедры адкрыты для творчага і навуковага супрацоўніцтва.