Кафедра тэорыі і практыкі фізічнай культуры

Загадчык кафедры Рудая Дзіна Уладзіміраўна кандыдат педагагічных навук

Падрабязная інфармацыя на афіцыйным сайце кафедры:  https://tmpc.barsu.by

Кафедра тэорыі і практыкі фізічнай культуры забяспечвае рэалізацыю адукацыйных праграм і з'яўляецца выпускаючай па спецыяльнасцях 1-03 02 01 Фізічная культура, 1-88 02 01-02 Спартыўна-педагагічная дзейнасць, 6-05-1012-04 Арганізацыя і кіраванне фізічнай культурай, спортам і турызмам,6-05-0115-01 Адукацыя ў галіне фізічнай культуры.

Прафесарска-выкладчыцкі састаў кафедры налічвае 16 чалавек.

Навуковы патэнцыял кафедры:

Практычны патэнцыял кафедры:

Сярод выкладчыцкага складу кафедры — пераможцы і прызёры міжнародных конкурсаў навукова-даследчых праектаў і работ. За кафедрай замацаваны 34 навучальныя дысцыпліны, а таксама педагагічнае суправаджэнне практык па спецыяльнасцях: вытворчая практыка (педагагічная ва ўстановах адукацыі), вытворчая (педагагічная) практыка, вытворчая практыка па спецыялізацыі, пераддыпломная практыка, навучальныя практыкі «Летні збор», «Зімовы збор», «Турпаход», па лыжным спорце.Ажыццяўляецца кіраўніцтва курсавымі і дыпломнымі працамі.

Практыка-арыентаванасць адукацыйнага працэсу рэалізуецца праз пашырэнне ўзаемадзеяння кафедры тэорыі і практыкі фізічнай культуры ўніверсітэта і супрацоўнікаў ДУА «Сярэдняя школа № 9 г. Баранавічы», на базе якой кафедрай праводзяцца фізкультурна-аздараўленчыя і спартыўна-масавыя мерапрыемствы сумесна са студэнтамі БарДУ і і навучэнцамі школы, ствараюцца творчыя праекты, праводзяцца навуковыя даследаванні.

Кафедра супрацоўнічае з установамі адукацыі Беларусі (БДУ, БДУФК, БДПУ, МДУ імя А. А. Куляшова, БрДУ імя А. С. Пушкіна, ПалесДУ), Расіі (РГУФКСМІТ (ГЦАЛІФК), СПбНДІФК) у навучальнай і навуковай сферах.Кафедрай устаноўлена сувязь з гімназіямі № 1 і 4, школамі № 1, 7, 9, 15, 18, 19 горада Баранавічы для правядзення навучальных, вытворчых і пераддыпломных педагагічных практык.

Навукова-даследчая тэма кафедры — «Выкарыстанне сучасных аздараўленчых тэхналогій у працэсе фізічнага выхавання навучэнцаў».

Асноўныя вынікі навукова-даследчай работы па дысцыпліне «Фізічная культура» прымяняюцца ў адукацыйным працэсе БарДУ за кошт выкарыстання комплексу сродкаў і метадаў фізічнага выхавання, дазавання фізічных нагрузак, вызначэння ўзроўню фізічнага развіцця, фізічнай падрыхтаванасці.

Сферай прымянення навукова-даследчай работы кафедры з'яўляецца адукацыйны працэс ва ўстановах вышэйшай адукацыі, уключаючы навучальную, выхаваўчую, трэніровачную дзейнасць.

Па выніках навукова-даследчай працы студэнты з'яўляюцца дыпламантамі рэспубліканскіх конкурсаў навуковых прац студэнтаў, удзельнікамі міжнародных і рэспубліканскіх навукова-практычных і навукова-метадычных канферэнцый і семінараў.