Інтэрнат Убарэвіча, 22

«Мы ў адказе за тых, каго прыручылі»

Размова па сутнасці «Мы ў адказе за тых, каго прыручылі» адбыўся ў інтэрнаце па вул.Убарэвіча, 22. Тэма выбрана не выпадкова, бо 4 кастрычніка — Сусветны дзень жывёл. Размова пра тое, што вельмі важна аказваць ўвагу бяздомным жывёлам і пра адказнасць за сваіх хатніх гадаванцаў, прагляд сацыяльнага роліка не пакінулі нікога абыякавымі.

2017-10-06

«Калі імя табе – Настаўнік» 

Урок мудрасці і жыццёвага вопыту далі ветэраны педагагічнай працы Л.М. Жываглядава і М.У. Бондар на сустрэчы са студэнтамі, якія пражываюць у інтэрнаце па вул.Убарэвіча, 22.

З вялікім задавальненнем госці распавялі студэнтам пра сваю педагагічную дзейнасць, падзяліліся ўспамінамі, адказалі на пытанні. Словы падзякі, вершы, песні, кветкі ўпрыгожылі свята, зрабілі яго яркім, святочным, запамінальным.

Завяршылася сустрэча наказам для будучых педагогаў: «Жыццё ў педагагічнай прафесіі – гэта нястомная праца душы, гэта – творчасць, гэта – вечнае выпрабаванне на мудрасць і цярпенне, прафесійнае майстэрства і чалавечую незвычайнасць».

2017-10-05

«Вы не адзінокія»

У дзень пажылых людзей, студэнты, якія пражываюць у інтэрнаце па вул. Убарэвіча, 22, правялі традыцыйную акцыю «Вы не самотныя». Віншаванні і цёплыя словы выклікалі слёзы радасці ў людзей, якія прайшлі доўгі шлях у сваім жыцці і заслугоўваюць увагі ад маладога пакалення. Далейшыя зносіны і клопат паабяцалі студэнты, а гэта так важна для пажылых людзей.

2017-10-05

«Добры дзень, горад, у якім я вучуся» 

Самыя цікавыя і прыгожыя мясціны горада Баранавічы атрымалася паглядзець першакурснікам падчас азнаямленчай экскурсіі, якую арганізаваў інфармацыйны сектар студэнцкага савета інтэрната па вул. Убарэвіча, 22. Падчас падарожжа па горадзе беларускія і замежныя студэнты з задавальненнем правялі свой вольны час, пагутарылі, пасябравалі і, вядома ж, убачылі прыгажосць нашага горада.

2017-09-27

Гаворыць сэрца роднай мовай

Дзень беларускага пiсьменства ― важная падзея ў жыццi нашай краiны. I гэтую падзею не пакiнулi без увагi студэнты, якія пражываюць ў нашым iнтэрнаце па вул.Убарэвiча, 22. Гэтае свята аб’яднала тых, хто з вялiкай павагай ставiцца да роднага слова, духоўных здабыткаў нашага народа, нацыянальнай культуры, асветы i лiтаратуры.

Актыўны ўдзел у мерапрыемcтве прынялi першакурснiкi, якія з вялiкiм задавальненнем размаўлялі на сваей роднай беларускай мове.

2017-09-05

Засяліліся, пазнаёміліся і павесяліліся

Студэнцкія гады - гэта выдатны час, які дарыць мноства адкрыццяў, весялосці і новых сяброў. А якое ж лепшае месца, дзе можна завесці новыя знаёмствы і весела правесці час? Дакладна, гэта студэнцкі інтэрнат!

Няма нічога цікавей і займальней, чым жыццё ў інтэрнаце. І гэта адчулі студэнты-першакурснікі з першых дзён засялення. Менавіта для іх актыў інтэрната падрыхтаваў забаўляльную праграму, дзе былі жарты, песні, скокі, віншаванні з пачаткам новага навучальнага года.

Мерапрыемства прайшло ў лёгкай нязмушанай абстаноўцы, пакінуўшы масу станоўчых эмоцый і мноства новых знаёмстваў.

2017-09-04

«Пуцёўка ў жыццё» 

За кубкам гарбаты прайшло выніковае пасяджэнне студэнцкага савета інтэрната па вул. Убарэвіча, 22. Падведзены вынікі адыходзячага навучальнага года і намечаны планы на будучыню. Лепшыя студэнты-актывісты ўзнагароджаны падзячнымі лістамі за добрасумленную і якасную працу ў самакіраванніі.

Кульмінацыйным момантам пасяджэння было ўшанаванне выпускнікоў-актывістаў. Цёплыя словы падзякі прагучалі ў адрас выпускнікоў, уручаны імянныя дыпломы за актыўны ўдзел у грамадскай дзейнасці ў студэнцкім інтэрнаце. Выпускнікі выказалі свае ўражанні пра жыццё ў інтэрнаце і пра тое, што студсавет для іх – гэта пуцёўка ў жыццё.

«Мяшочак пытанняў» і «Мяшочак пажаданняў» надоўга застануцца ў памяці нашых выпускнікоў. У добры шлях! 

2017-06-07

«СІМВАЛЫ НАШАГА ГОНАРУ» 

Інфармацыйна-пазнавальная гадзіна зносін, прысвечаная Дню Дзяржаўнага герба і Дзяржаўнага сцяга Рэспублікі Беларусь, прайшла ў інтэрнаце па вул. Убарэвіча, 22, і была накіравана на папулярызацыю дзяржаўнай сімволікі, фарміраванне павагі да гераічнага мінулага і культуры свайго народа. Кожны засвоіў інфармацыю пра тое, што Дзяржаўны герб і Дзяржаўны сцяг – сімвалы, якія аб'ядноўваюць грамадзян усёй нашай краіны, і пра гэта павінен ведаць кожны беларус.

2017-05-18

Трэба паглядзець усім 

У інтэрнаце па вул. Убарэвіча, 22, адбыўся калектыўны прагляд дакументальнага фільма «Людзі з чорнымі душамі», які быў зняты беларускімі кінематаграфістамі (І.Д. Гурскі, П.П. Шамшур) у далёкім 1962-м годзе, але фільм не страціў сваю актуальнасць і цяпер важны нават у большай ступені, чым раней.

Пасля прагляду студэнты абмеркавалі кінастужку і выказалі сваё меркаванне: «Беларусь – яшчэ маладая краіна, і яе будучыня залежыць ад падрастаючага пакалення. Мы павінны паважаць нашу гісторыю і асцярожна да яе ставіцца. Бо для беларускага народа святымі з'яўляюцца мір, спакой і незалежнасць».

2017-04-21

«Смяяцца, сапраўды, ня грэх» 

Дзень смеху прайшоў, а добры настрой, усмешкі і пазітыўныя эмоцыі студэнты, якія пражываюць у інтэрнатах імкнуцца падтрымліваць. На гэты раз студэнты, якія пражываюць у інтэрнатах па вул. Убарэвіча, 18, і Убаревіча, 22, аб'ядналіся  і правялі жартоўную гульню «Кракадзіл». Удзельнікі змагаліся за тытул «самых вясёлых і знаходлівых», прадэманстравалі сваю і артыстычнасць. Было весела. А перамагло сяброўства.

2017-04-10