Спецыялізаваны кабінет малюнка і жывапісу

Мэта дзейнасці спецыялізаванага кабінета — фарміраванне і развіццё педагагічнай культуры, сацыяльна-прафесійнай кампетэнтнасці будучага педагога, павышэнне практыка-арыентаванасці адукацыйнага працэсу, а таксама забеспячэнне мастацка-творчага суправаджэння навучэнцаў у адукацыйным працэсе.

Дзейнасць спецыялізаванага кабінета малюнка і жывапісу ажыццяўляецца па наступных напрамках: навукова-даследчы, праектны, далучэнне студэнтаў да інавацыйных распрацовак прыкладнога характару ў галіне выяўленчага мастацтва і педагогікі.

У кабінеце ажыццяўляецца навучанне студэнтаў 1-4 курсаў спецыяльнасцей «Абслугоўваючая праца і выяўленчае мастацтва», «Тэхналагічная адукацыя (абслугоўваючая праца і выяўленчае мастацтва)», «Пачатковая адукацыя».

Навучальныя дысцыпліны, навучальныя заняткі, якія праводзяцца на базе кабінета: «Асновы навучальнага малюнка», «Навучальны малюнак», «Методыка выкладання выяўленчага мастацтва», «Віды і тэхнікі графікі», «Методыка выкладання выяўленчага мастацтва з практыкумам».

У кабінеце таксама ажыццяўляецца:

• падрыхтоўка матэрыялаў для кіраванай самастойнай працы, якая прадугледжвае ўключэнне заданняў мастацка-творчай дзейнасці;
• праца па стварэнні і папаўненні вучэбна-дыдактычнага, метадычнага і нагляднага матэрыялаў, натурнага фонду спецыялізаванага кабінета;
• напісанне навуковых артыкулаў у рамках падрыхтоўкі курсавых і дыпломных работ;
• дадатковая праца са здольнымі і адоранымі студэнтамі;
• прафарыентацыйныя мерапрыемствы мастацка-творчай дзейнасці з навучэнцамі ўстаноў агульнай сярэдняй адукацыі;
• выставы, конкурсы, майстар-класы, творчыя праекты; алімпіяды;
• творчыя сустрэчы з мастакамі, майстрамі дэкаратыўнага мастацтва, дзеячамі мастацтваў;
• дні адчыненых дзвярэй.

Такім чынам, спецыялізаваны кабінет малюнка і жывапісу - адзін з цэнтраў мастацка-творчай, навуковай і сацыяльна-прафесійнай кампетэнтнасці будучага педагога.

План работы спецыялізаванага кабінета малюнка і жывапісу на 2024-2025 вучэбны год

Вынікі дзейнасці спецыялізаванага кабінета малюнка і жывапісу за 2023-2024 вучэбны год