Лабараторыя тэхналогіі швейнай вытворчасці

Лабараторыя з'яўляецца вучэбнай базай, якая стварае ўмовы як для вучэбнай, так і пазанавучальнай дзейнасці студэнтаў у рамках выкладаемых дысцыплін, садзейнічае ўдзелу студэнтаў у выкананні навукова-даследчых і іншых відаў творчых прац.

Вучэбная дзейнасць студэнтаў у лабараторыі арганізуецца ў адпаведнасці з вучэбнымі праграмамі па дысцыплінах, патрабаваннямі тэхнікі бяспекі і пажарнай бяспекі, а таксама правіламі і нормамі санітарна-тэхнічных умоў працы.

Асноўнымі задачамі, якія стаяць перад лабараторыяй, з'яўляюцца: забеспячэнне практычнага навучання студэнтаў у адпаведнасці з дзеючымі вучэбнымі планамі і праграмамі; забеспячэнне спраўнасці, прыдатнасці лабараторнага абсталявання, тэхнічных сродкаў навучання, забеспячэнне іх рамонту і прафілактычнага агляду, правільнага захоўвання і ўліку абсталявання і прыбораў; збор інфармацыі з літаратурных крыніц, нарматыўна-тэхнічнай дакументацыі з мэтай аказання дапамогі студэнтам у навукова-даследчай рабоце; аснашчэнне лабараторыі новым абсталяваннем, навучальнымі і нагляднымі дапаможнікамі і матэрыяламі; стварэнне ўмоў, якія спрыяюць захаванню здароўя студэнтаў.

Для фарміравання ў студэнтаў практычных навыкаў па выкананні швейных вырабаў у лабараторыі ТШВ ёсць наступнае абсталяванне: універсальныя бытавыя і прамысловыя швейныя машыны, спецыяльныя машыны (краеабмётачны авярлок, стачвальна-абмётачная машына для трыкатажных палотнаў), прасы, а таксама розныя прылады і прыстасаванні, якія дазваляюць забяспечыць належную якасць вырабляемай прадукцыі.

Выкарыстанне сучаснага абсталявання ў лабараторыі тэхналогіі швейнай вытворчасці дае магчымасць студэнтам ствараць вырабы з сучасных тканін, што спрыяе ў іх развіццю цікавасці да вучэбнай дзейнасці, а таксама фарміраванню такіх якасцей, як тэхналагічнае мысленне, тэхналагічны светапогляд і тэхналагічнае ўяўленне.

План работы лабараторыi тэхналогіі швейнай вытворчасці на 2023/2024 вучэбны год

Вынікі дзейнасці лабараторыi тэхналогіі швейнай вытворчасці за 2022/2023 вучэбны год