Лабараторыя тэхналогіі харчовай вытворчасці

Лабараторыя тэхналогіі харчовай вытворчасці з'яўляецца базай як для вучэбнай, так і для пазанавучальнай дзейнасці студэнтаў у рамках выкладаемых дысцыплін «Тэхналогія апрацоўкі харчовых прадуктаў», «Тэхналогія прыгатавання страў і напояў», «Народная кухня», «Электраабсталяванне майстэрняў па абслуговай працы», «Таваразнаўства харчовых прадуктаў», садзейнічае ўдзелу студэнтаў у выкананні навукова-даследчых і іншых відаў творчых работ.

Вучэбная дзейнасць студэнтаў у лабараторыі арганізуецца ў адпаведнасці з навучальнымі праграмамі па дысцыплінах, патрабаваннямі тэхнікі бяспекі і пажарнай бяспекі, а таксама Правіламі і нормамі санітарна-тэхнічных умоў працы.

Лабараторыя стварае ўмовы для фарміравання ў студэнтаў практычных навыкаў падрыхтоўкі розных страў, першаснай і цеплавой апрацоўкі харчовых прадуктаў, сервіроўкі стала і правілаў падачы страў у ходзе практычных і лабараторных заняткаў.

Асноўнымі напрамкамі работы лабараторыі з'яўляюцца: развіццё вучэбна-матэрыяльнай базы; удасканаленне адукацыйнага працэсу; навукова-метадычная работа; навукова-даследчая работа; вучэбна-метадычная работа; выхаваўчая работа сярод студэнтаў.

Для фарміравання ў студэнтаў практычных навыкаў падрыхтоўкі розных страў, першаснай і цеплавой апрацоўкі харчовых прадуктаў, сервіроўкі стала і правілаў падачы лабараторыя тэхналогіі харчовай вытворчасці абсталявана электраабсталяваннем (электрапліты, паветраачышчальнікi электрычныя бытавыя, электрычныя бытавыя назапашвальныя воданагравальнікі, халадзільнікі-маразільнікі, ЗВЧ-печы, машына пральная бытавая аўтаматычная, машыны кухонныя электрычныя, фрыцюрніца, блендеры), электрапрыборамі (электрачайнікі, кававарка, электраміксеры), неабходным інвентаром і посудам.

Лабараторна-практычныя заняткі па тэхналогіі падрыхтоўкі ежы ўяўляюць сабой злучнае звяно паміж тэарэтычным і вытворчым навучаннем. Практычная дзейнасць студэнтаў носіць творчы характар, спрыяе набыццю і актыўнаму выкарыстанню ведаў, фарміраванню тэхналагічнай культуры.

План работы лабараторыi тэхналогіі харчовай вытворчасці на 2025/2026 вучэбны год

Вынікі дзейнасці лабараторыi тэхналогіі харчовай вытворчасці за 2024/2025 вучэбны год