Кафедра тэорыі і практыкі германскіх моў

Загадчык кафедры Булатая Алена Васільеўна кандыдат філалагічных навук, дацэнт

Падрабязная інфармацыя на афіцыйным сайце кафедры: https://tpel.barsu.by

Кафедра тэорыі і практыкі германскіх моў створана ў 2017 годзе і з’яўляецца структурным падраздзяленнем лінгвістычнага факультэта Баранавіцкага дзяржаўнага ўніверсітэта.

Калектыў кафедры адрозніваецца высокім узроўнем матываванасці да педагагічнай працы, энергічнасцю, а таксама вялікім вопытам.

Выкладчыкі кафедры пастаянна ўдасканальваюць сваю кваліфікацыю праз навучанне ў магістратуры і аспірантуры, праходжанне курсаў павышэння кваліфікацыі і стажыровак.

Членамі кафедры забяспечваецца моўная і прафесійна-метадычная падрыхтоўка студэнтаў па 47 дысцыплінах для спецыяльнасцей:

У адукацыйным працэсе выкладчыкамі кафедры шырока прымяняюцца камп’ютарныя тэхналогіі, тэхналогія інтэнсіфікацыі навучання на аснове цэнтралізаваных схем, тэхналогія праблемнага навучання, тэхналогія навучання ў супрацоўніцтве, тэхналогія праектнага навучання, відэатэхналогіі, кейс-тэхналогія, мультымедыйныя тэхналогіі і інш.

Для раскрыцця творчых здольнасцей студэнтаў, фарміравання ў іх навукова-даследчых навыкаў на кафедры вялікая ўвага надаецца пазааўдыторнай рабоце са студэнтамі.

На кафедры функцыянуюць студэнцкія навуковыя гурткі «Лінгва-акадэмія» і «Deutsch Kreativ»; студэнцкі гурток «English Grammar in Use»; секцыі нямецкай і англійскай моў клуба «Паліглот», праводзяцца розныя мерапрыемствы ў рамках выкладаемых дысцыплін.

Умовы для якаснай практычнай падрыхтоўкі студэнтаў да прафесійнай дзейнасці забяспечваюцца ў працэсе работы кафедры з установамі агульнай сярэдняй адукацыі ў рамках дагавораў аб супрацоўніцтве:

Сумесная дзейнасць выкладчыкаў кафедры і настаўнікаў школ садзейнічае, перш за ўсё, фарміраванню ў студэнтаў сацыяльна-асобасных і прафесійных кампетэнцый, далейшаму ўдасканаленню метадычнай кампетэнтнасці і развіццю даследчых уменняў.