Навiны

У фармаце сумленнага дыялогу ва ўніверсітэце прайшла сустрэча першакурснікаў з прадстаўнікамі адміністрацыі ўніверсітэта ў асобе прарэктара па выхаваўчай рабоце П.І. Папко, кіраўнікамі структурных падраздзяленняў універсітэта, грамадскіх арганізацый, праваахоўных органаў, устаноў аховы здароўя горада Баранавічы і ААТ «Аўтобусны парк г. Баранавічы».

П.І. Папко ў прывітальным слове павіншаваў першакурснікаў з добрым стартам, пажадаў поспехаў, новых ведаў, руху наперад, поспеху і развіцця!

На сустрэчы студэнты азнаёміліся з Правіламі ўнутранага распарадку ва ўніверсітэце і інтэрнаце, правіламі паводзін у грамадскіх месцах, а кіраўнікі структурных падраздзяленняў запрасілі першакурснікаў стаць удзельнікамі творчых калектываў, спартыўных секцый, удзельнікам прэс-цэнтра, адным з лідараў Школы інавацыйнага прафесійнага мыслення. Лідары грамадскіх арганізацый (прафсаюз і БРСМ) распавялі пра асноўныя кірункі дзейнасці грамадскіх арганізацый універсітэта. Педагог сацыяльны пазнаёміў студэнтаў з напрамкамі сваёй дзейнасці і паведамиў пра тое, куды можна звярнуцца за дапамогай.

Прадстаўнікі праваахоўных органаў горада распавялі пра адказнасць, якая надыходзіць за ўчыненне адміністрацыйных і крымінальных правапарушэнняў, у тым ліку звязаных з абаротам і захоўваннем наркатычных сродкаў.

Прадстаўнікі аховы здароўя горада распавялі студэнтам пра магчымыя варыянты вырашэння розных жыццёвых сітуацый, пакінулі кантактныя тэлефоны. Юрыст універсітэта распавяла студэнтам аб недапушчэнні выпадкаў карупцыі ва ўніверсітэце.

Сумленны дыялог запомніўся першакурснікам пазітыўным настроем, інфарматыўнасцю, карыснымі парадамі. Да пачатку дыялогу была арганізавана работа інтэрактыўных пляцовак па розных напрамках дзейнасці ва ўніверсітэце. Першакурснікі маглі адразу вызначыць сябе і запісацца ў шэрагі моладзевага руху па сваім жаданні і захапленню.

Адказны за дакладнасць і карэктнасць прадстаўленай інфармацыі метадыст АВР Матчэня Марына Міхайлаўна, тэлефон   66 53 79