Інтэрнат Убарэвіча, 18

«Космас – дарога без межаў»

У інтэрнаце па вул.Убарэвіча, 18, студэнцкі савет правёў мерапрыемства «Космас - дарога без межаў», якое было накіравана на азнаямленне студэнтаў з гісторыяй і традыцыямі свята Дня касманаўтыкі.

Для таго, каб мерапрыемства было цікавым і займальным, студэнтам было прапанавана паглядзець відэаролік «10 неверагодных фактаў пра космас», а дзеля праверкі ўвагі студэнтаў вядучыя мерапрыемства правялі віктарыну.

Адказны за дакладнасць і карэктнасць прадстаўленай інфармацыі метадыст АВР Матчэня Марына Міхайлаўна, тэлефон   66 53 79

2019-04-23

«Першакрасавіцкі кураж»

1 красавіка ў інтэрнаце па вул.Убарэвіча, 18, студэнцкім саветам праводзілася мерапрыемства «Першакрасавіцкі кураж».

Мерапрыемства было накіравана на стварэнне ўтульнай і вясёлай атмасферы. І ў вядучых гэта атрымалася!

У ходзе забаўляльнай праграмы студэнты прадэманстравалі свае артыстычныя здольнасці, здзівілі спевамі і інтэлектуальнымі здольнасцямі.

Розыгрышы з сюрпрызамі і арыгінальнымі прызамі, дружны смех у добрай кампаніі – усё гэта дазволіла зняць напружанне і расслабіцца студэнтам пасля навучальных заняткаў.

2019-04-04

«НАША СІЛА Ў БРАТЭРСТВЕ»

2 красавіка ў інтэрнаце па вул.Убарэвіча, 18, прайшло мерапрыемства, якое было прысвечана Дню яднання народаў Беларусі і Расіі.

Вядучыя мерапрыемства пазнаёмілі прыстуных з галоўнымі аспектамі Дагавора аб стварэнні Саюзнай дзяржавы і праграмай дзеянняў Рэспублікі Беларусь і Расійскай Федэрацыі, а таксама расказалі, якія правы маюць суседнія краіны і якія буйныя праекты яны рэалізуюць.

2019-04-04

Тэматычны ўрок «Канстытуцыя маёй краіны»

У гэтым годзе наша краіна адзначае 25-годдзе з дня прыняцця Канстытуцыі Рэспублікі Беларусь.

15 сакавіка 1994 года быў прыняты Асноўны Закон краіны, згодна з якім Беларусь аб’яўлена ўнітарнай, дэмакратычнай, сацыяльнай і прававой дзяржавай. Па традыцыі ў гэты дзень па ўсёй краіне праходзяць урачыстыя мерапрыемствы.

У інтэрнаце па вул.Убарэвіча, 18, таксама быў праведзены тэматычны ўрок, прысвечаны гэтай даце. У ходзе мерапрыемства студэнты нашага інтэрната азнаёміліся з гісторыяй прыняцця Канстытуцыі, яе зместам. Каб праверыць веды і ўвагу студэнтаў, была праведзена займальная і пазнавальная віктарына.

2019-03-22

Конкурс «МІС ВЯСНА-2019»

Вясна — час, калі прыгажосць прыроды становіцца самай яркай. Усё вакол цешыць вока.

Студэнты, якія пражываюць у інтэрнаце па вул.Убарэвіча, 18, не змаглі прайсці міма чароўнага прыходу вясны. І 13 сакавіка сярод дзяўчат інтэрната прайшоў конкурс «Міс Вясна-2019».

Мерапрыемства было напоўнена атмасферай вясновых фарбаў, цеплынёй першых промняў сонца і вельмі вясёлай праграмай з конкурсамі не толькі для ўдзельніц, але і для гледачоў.

Канкурсанткі творча падышлі да падрыхтоўкі кожнага выпрабавання. Яны годна прадэманстравалі сваё ўменне трымацца на сцэне і выступілі выдатна!

Па выніках журы ўладальніцай тытула «Міс Вясна-2019» стала Кацярына Касцюкевіч. Тытул «Міс інтэрната-ONLINE» заваявала Ангеліна Сатуло, а прыз глядацкіх сімпатый атрымала Мілана Камянко. Астатнія дзяўчаты атрымалі прызы ў выглядзе сувеніраў, а ад гледачоў — натхняючыя апладысменты.

2019-03-21

Дзень святога Валянціна

У свята дня святога Валянціна ў інтэрнаце па вул.Убарэвіча, 18, панавала незвычайная атмасфера: у фае на першым паверсе студэнцкім актывам была аформлена фотазона. А для таго, каб гэтая зона прыцягвала як мага большую колькасць студэнтаў, два «амуры» забаўлялі студэнтаў займальнай, святочнай праграмай. Кожны жадаючы пакідаў «валянцінку» ў пошце, а ўжо ўвечары нашы «амуры» індывідуальна дастаўлялі іх кожнаму адрасату.

2019-02-19