Спецыялізаваны кабінет тэхналогіі народных рамёстваў

У кабінеце ажыццяўляецца навучанне па дысцыплінах: «Прыродныя матэрыялы ў дэкаратыўна-прыкладным мастацтве», «Вырабныя матэрыялы ў дэкаратыўна-прыкладным мастацтве», «Скульптура», «Кампазіцыя і дызайн», «Станковы малюнак», «Пляценне і ткацтва»,   «Матэрыялазнаўства выяўленчага мастацтва з элементамі колеразнаўства». Таксама ў кабінеце праводзяцца заняткі народнага гуртка выяўленчага і дэкаратыўна-прыкладнога мастацтва «Майстэрня». На занятках студэнты засвойваюць розныя віды выяўленчага (жывапіс, графіка, скульптура) і дэкаратыўнага мастацтва (батык, габелен, кераміка, мастацкая апрацоўка скуры, саломкі, паперы і т п.).

Кабінет зʼяўляецца майстэрняй, дзе студэнты выконваюць курсавыя і дыпломныя работы.

Сучасная матэрыяльна-тэхнічная база кабінета:

• абсталяванне, неабходнае для выканання мастацкіх работ — мальберты, муфельныя печы і інш.;
• наглядны матэрыял — рэпрадукцыі твораў майстроў; камплект муляжоў садавіны, гародніны; гіпсавыя злепкі фігуры чалавека, антычных герояў, частак фігуры і галавы чалавека; гіпсавыя разеткі і інш.;
• узоры работ майстроў і студэнтаў;
• камп’ютар з выхадам у інтэрнэт, аўдыясістэма, мультымедыйны праектар.

Дызайн-канцэпцыя мастацкага афармлення кабінета «Ад ідэі да твора» рэалізавана у маляўнічых стэндах і міні-выставе работ студэнтаў. Навукова-пазнавальная, ілюстраваная інфармацыя стэндаў і выстава дэманструюць алгарытм працы мастака пры стварэнні твора. Афармленне садзейнічае развіццю творчага патэнцыялу студэнтаў амаль на кожных занятках, таму, што мы прапануем такія віды заданняў, якія прадугледжваюць не рэпрадуктаванне, а пошук і даследванне.

Асноўнымі напрамкамі дзейнасці кабінета з'яўляюцца:

• выкарыстанне кабінета як аднаго з галоўных сродкаў навучальнага працэсу;
• арганізацыя работы па стварэнню новых наглядных дапаможнікаў і распрацоўцы метадычных матэрыялаў па выкладаемых дысцыплінах;
• арганізацыя і правядзенне творчых конкурсаў, выстаў, семінараў, майстар-класаў;
• правядзенне работы па прафесійнаму вызначэнню і прафарыентацыі навучэнцаў школ, ліцэяў, каледжаў;
• арганізацыя творчых сустрэч з майстрамі дэкаратыўнага мастацтва, мастакамі, дзеячамі мастацтваў.

Работы, якія выкананы у кабінеце, дэманструюцца ў выставачнай зале ўніверсітэта, ўпрыгожваюць сцены холаў, калідораў, вучэбных кабінетаў, зон адпачынку, залы бібліятэкі. Часовыя выставы арганізоўваюцца ў час правядзення мерапрыемстваў ўніверсітэта (навуковыя канферэнцыі, семінары, форумы, дні адчыненых дзвярэй і г. д.). Студэнтамі выконваецца сувенірная прадукцыя для гасцей ўніверсітэта.

Кабінет тэхналогіі народных рамёстваў адзін з цэнтраў мастацкай творчасці студэнтаў. Добрая матэрыяльная база і метадычнае забеспячэнне кабінета садзейнічаць развіццю творчага патэнцыялу студэнтаў, спрыяюць рэалізацыі дзяржаўных праграм у сферы мастацка-творчай дзейнасці і арганізацыі пазітыўнага змястоўнага вольнага часу студэнтаў.

План работы спецыялізаванага кабінета тэхналогіі народных рамёстваў на 2024-2025 вучэбны год