Навіны ўніверсітэта

27 красавіка ва ўніверсітэце адбылася II Міжнародная навукова-практычная канферэнцыя «Праблемы фарміравання інклюзіўнай кампетэнтнасці спецыялістаў педагагічных спецыяльнасцей».

Ініцыятар правядзення канферэнцыі – кафедра педагогікі факультэта педагогікі і псіхалогіі. Разгледжана шырокае кола актуальных пытанняў у галіне інклюзіўнай адукацыі. Маладымі даследчыкамі і дасведчанымі навукоўцамі абмеркаваны сацыяльныя перадумовы і метадалогія інклюзіўны адукацыі, інклюзіўныя працэсы ў агульнай сярэднім, сярэдняй спецыяльнай, вышэйшай і паслявузаўскай адукацыі. Разгледжаны псіхолага-педагагічныя асновы інклюзіўнай кампетэнтнасці будучага педагога. Удзельнікі канферэнцыі падзяліліся вопытам работы педагога, педагога сацыяльнага, педагога-псіхолага з вучнямі з асобымі адукацыйнымі патрэбамі (адоранымі, з дэвіянтнымі паводзінамі, гіперактыўнымі, білінгвамі, леварукімі і інш.). Нададзена ўвага і актуальнай на сёння праблеме падрыхтоўкі і перападрыхтоўкі кадраў да працы ва ўмовах інклюзіўны адукацыі. 

З прывітальным словам да ўдзельнікаў канферэнцыі выступіла прарэктар па навуковай рабоце А.В. Нікішова, адзначыўшы высокі навуковы ўзровень і практычную значнасць заяўленых да абмеркавання дакладаў. 

На пленарным пасяджэнні з дакладамі выступілі В.В. Хітрук, дырэктар Інстытута інклюзіўнай адукацыі ўстановы адукацыі «Беларускі дзяржаўны педагагічны ўніверсітэт імя Максіма Танка», доктар педагагічных навук, дацэнт, А.А. Кляшчова, загадчык кафедры педагогікі ўстановы адукацыі «Баранавіцкі дзяржаўны ўніверсітэт», кандыдат псіхалагічных навук, дацэнт, І.Я. Валiтава, дацэнт кафедры псіхалогіі развіцця ўстановы адукацыі «Брэсцкі дзяржаўны ўніверсітэт імя А.С.Пушкіна», кандыдат псіхалагічных навук, дацэнт, В.А. Шынкарэнка, загадчык кафедры алігафрэнапедагогікі ўстановы адукацыі «Беларускі дзяржаўны педагагічны ўніверсітэт імя Максіма Танка», кандыдат педагагічных навук, дацэнт, М.Л. Крывуць, метадыст сектара навукова-метадычных рэсурсаў інклюзіўнай адукацыі ўстановы адукацыі «Баранавіцкі дзяржаўны ўніверсітэт». 

Удзельнікам канферэнцыі таксама выдалася магчымасць паўдзельнічаць у працы майстар-класа па вырабе тэкстыльнай народнай лялькі-мотанки «Жаваранак» (у рамках валанцёрскага праекта, арганізаванага сумесна з сектарам навукова-метадычных рэсурсаў інклюзіўнай адукацыі і грамадскай арганізацыяй бацькоў дзяцей з сіндромам Дауна «Ты не адзін»), якім кіравала А.Э. Руднева, старшы выкладчык кафедры дашкольнай адукацыі і тэхналогій БарДУ. Навучальным трэнінгам «Інклюзіўная адукацыя: вопыт работы з бацькамі» кіравала А.І. Булыга, трэнер нацыянальнай трэнерскай каманды па прасоўванні ідэй інклюзіўны адукацыі, настаўнік 1-й катэгорыі філіяла кафедры педагогікі ДУА «СШ №13 г. Баранавічы». 

У секцыі навуковых дакладаў пад кіраўніцтвам Е.І. Панамаровай, дацэнта кафедры педагогікі БарДУ, кандыдата педагагічных навук, дацэнта, мелася магчымасць падзяліцца вынікамі навуковых даследаванняў і практычных напрацовак.