Навіны ўніверсітэта

Моладзевы атрад аховы правапарадку БарДУ «Альфа» заняў I месца па выніках абласнога злёту-спартакіяды МААП «Акадэмія мужнасці-2017». 

У спартакіядзе прынялі ўдзел моладзевыя атрады аховы правапарадку 4 універсітэтаў Брэсцкай вобласці і 2 каледжаў г. Брэста. Байцы атрадаў ўдзельнічалі ў спартыўных спаборніцтвах і спаборнічалі ў прававых ведах. Каманда БарДУ ў спаборніцтвах па плаванні заняла 1 месца, падцягванні на перакладзіне - 1 месца, валейболу - 3 месца, кідку гіры - 3 месца, бегу- 1 месца, перацягванні каната - 1 месца. 

МААП БарДУ «Альфа» будзе прадстаўляць Брэсцкую вобласць на рэспубліканскім этапе. 

Таксама ў рамках спартакіяды прайшоў адкрыты дыялог «Сучаснасць і будучыня моладзевага праваахоўнага руху».