Навіны ўніверсітэта

На факультэце педагогікі і псіхалогіі прайшоў V навуковы марафон «Тэрыторыя маладзёжных навуковых інавацый» для студэнтаў 1 курса, які аб'яднаў навуковыя мерапрыемствы розных фарматаў ад кафедр факультэта.

Мэтай правядзення Навуковага марафона стала знаёмства першакурснікаў з навуковымі напрамкамі дзейнасці кафедр, студэнцкіх навукова-даследчых аб'яднанняў і ўцягненне ў навуковае жыццё факультэта.

У рамках Навуковага марафону былі праведзены наступныя мерапрыемствы:

• Майстар-клас па мастацтве самапрэзентацыі «Упэўнены старт» (СНДА «Педагагічны пошук», С.А.Старасцін, выкладчык);
• Лекцыя-гутарка «Кінатэрапія: кіно ў прасторы псіхалогіі. Экзістэнцыйная праблематыка ў кіно: Псіхалагічны аналіз» (І.Л.Кішэя, старшы выкладчык, Д.А.Дудэк, выкладчык);
• Інтэрактыўная сустрэча «Навуковае валанцёрства. Робім навуку разам» (СНДА «Сінэргія моладзевых ініцыятываў», Н.І.Дэгіль, выкладчык, адказны за навуковую працу);
• Творчая гасцёўня «Мой шлях у навуку». Сустрэча з Я. Мішуковай (ГЭ-41), Дз. Саўчуком (АПВ-41), Т. Даніленка (СП-31), Д.А. Дудэк (выкладчык);
• Навукова-папулярны квіз «Дзень навукі» (СНДА «Перспектыва», К.А.Кажура, выкладчык);
• Прэзентацыя курсавых і дыпломных даследаванняў па напрамках тэхналагічнай і мастацкай адукацыі «Навука і творчасць» (А.Э.Руднева, кіраўнік секцыі тэхналогіі і выяўленчага мастацтва, Л.Р.Капуза, старшы выкладчык);
• Майстар-клас «Псіхолаг за станком (псіхолаг як вучоны, псіхолаг-практык, «сам-сабе-псіхолаг»)» (М.А.Кароль, старшы выкладчык, Я.В.Ляшкевіч, старшы выкладчык);
• Круглы стол «Актуальныя праблемы пачатковай адукацыі» (Н.А.Васілевіч, старшы выкладчык);
• Конкурс курсавых работ студэнтаў спецыяльнасці «Дашкольная адукацыя», «Пачатковая адукацыя», «Геаэкалогія», «Практычная псіхалогія»;
• Інтэлектуальная гульня «Што? Дзе? Калі?» (СНДА «Прыкладная і эмпірычная псіхалогія», Т.Я. Яцэнка, к.пс.н., дацэнт);
• ЭКА-Alias (Мішукова А.М., ГЭ-41);
• Алімпіяда па ЗЛЖ (Н.І.Філімонава, дацэнт).

Мерапрыемствы навуковага марафона падрыхтаваны і праведзены кіраўнікамі студэнцкіх навукова-даследчых аб'яднанняў, а таксама студэнтамі пад кіраўніцтвам прафесарска-выкладчыцкага складу факультэта, што стала яркім прыкладам кампетэнтнасці і мэтанакіраванасці ў навуковай дзейнасці для студэнтаў першых курсаў.

У рамках узнагароджання па выніках Навуковага марафона падзякамі дэкана факультэта ўзнагароджаны выкладчыкі і студэнты, якія праявілі актыўную пазіцыю ў падрыхтоўцы і правядзенні навукова-арыентаваных мерапрыемстваў для студэнтаў першага курса.